जळगाव प्रतिनिधी: जळगाव येथील 73 वर्षीय पुरूषाचा कोरोना तपासणी अहवाल नुकताच प्राप्त झाला असून त्यांचा अहवाल कोरोना पाॅझिटिव्ह आला आहे. अशी माहिती जिल्हा शल्य चिकित्सक डाॅ एन. एस. चव्हाण यांनी दिली आहे.
जळगाव जिल्ह्यातील अमळनेर यैथील 73 वर्षीय पुरूष कोरोना पाॅझिटिव्ह निघाला असून जळगाव जिल्ह्यात कोरोना पॅझिटिव ची संख्या आता 6 वर पोहोचली आहे.यामुळे जिल्हावासीयांची चिंता आता अधिक वाढली आहे. अमळनेरातच तब्बल 4 कोरोना पॅझिटिव्ह आढळले असून त्यापैकी एका महिलेचा मृत्यू झाला आहे तर तिघांनवर उपचार सुरू आहेत.
दुसरीकडे नंदुरबार जिल्ह्यात काल रात्री कोरोनाचा पहिला बळी गेला असून शहादा तालुक्यातील एका युवकाचा कोरोनामुळे मृत्यू झाला आहे तर धुळे जिल्ह्यातही काल नवीन सात कोरोना पॉझिटिव्ह रुग्ण आढळून आल्यामुळे जिल्ह्याचा आकडा हा 15 वर गेला आहे.एकट्या धुळे शहरात यापैकी 12 रुग्ण आहेत.यामुळे धुळे जिल्हाही आता रेड झोनमध्ये आला आहे.एकंदरीत खान्देशात कोरोनाने आता जोर पकडला असून तमाम खान्देशकरांनी आता कोरोनाचे गांभीर्य लक्षात घेतले पाहिजे.कारण कोरोना खान्देशात झपाट्याने वाटचाल करण्याची चिन्हे दिसत आहेत.
कोणत्याही टिप्पण्या नाहीत:
टिप्पणी पोस्ट करा