जळगाव प्रतिनिधी:जळगाव शहरातील गेल्या काही वर्षांचा अनुभव लक्षात घेता पावसाळ्याच्या अगोदर उपाययोजना राबविण्यात याव्या अशा सूचना महापौर भारती सोनवणे यांनी मनपा प्रशासनाला केल्या होत्या. महापौरांच्या सुचनेच्या अनुषंगाने मंगळवारपासून शहरातील उपनाल्यांच्या साफसफाईला सुरुवात करण्यात आली.
शहरात पावसाळ्यात जळगावकरांना येत असलेला कटू अनुभव टाळण्यासाठी महापौर भारती सोनवणे यांनी काही दिवसांपूर्वी मनपा प्रशासनाला पत्र देत पावसाळ्यापूर्वी उपाययोजना राबविण्याच्या सूचना दिल्या होत्या. जळगावात साथरोग नियंत्रणात ठेवण्यासाठी वेळीच उपाययोजना करणे आवश्यक असल्याची बाब महापौरांनी निदर्शनास आणून दिली होती. महापौरांच्या पत्रानंतर मनपा प्रशासन कामाला लागले असून मंगळवारपासून शहरातील उपनाले सफाईला सुरुवात करण्यात आली.
मंगळवारपासून शहरात लक्ष्मीनगर, पिंप्राळा धनगर वाडा परिसर, कानळदा रोड या तीन ठिकाणी नालेसफाईच्या कामाला सुरुवात करण्यात आली. तिन्ही ठिकाणी महापौर भारती सोनवणे यांनी सकाळी पाहणी केली. यावेळी नगरसेवक कैलास सोनवणे, कुंदन काळे, प्रकाश बालाणी, सहाय्यक आयुक्त पवन पाटील, नगरसेवक अमर जैन, मयूर कापसे, सरिता नेरकर, ऍड.दिलीप पोकळे यांच्यासह प्रभाग अधिकारी, आरोग्य निरीक्षक उपस्थित होते.
कोणत्याही टिप्पण्या नाहीत:
टिप्पणी पोस्ट करा