रावेर दि २७ (प्रतिनिधी) येथील युवकांनी सुरत ( गुजरात ) येथे सलग २५ दिवसांपासून गरीब व गरजू लोकांना मदत म्हणुन अन्नदान करीत आहे.
हे युवक रावेर येथील सिध्दार्थ नगर येथील रहिवासी असुन काही युवक सुरत येथे खाजगी कंपनीत कामाला आहे. तर, काही युवक वेगवेगळया प्रकारचे व्यवसाय करीत आहे. सध्या भारत देशात कोरोना व्हायरस या विषाणू च्या प्रादुभार्वाने थैमान घातले असुन त्याचा देशात लॉकडाऊन ही जाहीर करण्यात आला आहे. या लॉकडाऊनच्या काळात हातावर पोट भरणारे गोर गरीबांना उपासमारीची वेळ आली आहे. रावेर येथील सिध्दार्थ नगर ह.मु. सोम चिंतामणी गाव ता. सुरत (गुजरात ) येथील श्रमिकांना मदतीचा हात दिला आहे. घरापासून लांब राहत असुन स्वतःची काळजी सोबतच हे युवक इतर गोर गरीबांची काळजी घेत आहे.
त्यामुळे रावेर सह परिसरात त्यांचा कार्याचे कौतुक होत आहे. या सेवेमध्ये रावेर येथील योगेश समाधान मेढे, रोहीत समाधान मेढे, ( रा. रावेर ) बाळु नायके, प्रविण गणेश ( मध्य प्रदेश ) , धनेंद्र ससाणे, कैलास तायडे ( मध्य प्रदेश ) यांचा समावेश आहे.
कोणत्याही टिप्पण्या नाहीत:
टिप्पणी पोस्ट करा