पंकज
पाटील :तरुण गर्जना - अमळनेर तालुक्यात दिवसेंदिवस कोरोना रोगांचा संसर्ग पसरत आहे .तालुक्यासाठी हि
चिंतेची बाब असून परिस्थिती चिंताजनक होत चालली आहे. त्यात शासनाने तिजोरीत महसूल
जमा व्हावा म्हणून दारूची दुकाने सुरु करण्याचा निर्णय घेतला.
शहरात व ग्रामीण भागात
पोलिसांची जबाबदारी वाढत चालली आहे. ग्रामीण भागात कोरोनाला रोखण्यासाठी अमळनेरचे
गटविकास अधिकारी संदीप वायाळ एकाकी झुंज देत आहेत.त्यात ते प्रशासनाच्या दोन्ही
भूमिकेत काम करत आहेत. आज त्यांच्या निरदर्शनाखाली अवैध्य दारू विरोधात मोठी
कारवाई दहिवद गांवी करण्यात आली.
दारूच्या दुकानासमोर होणारी गर्दी व शहरात पसरणारा महामारीचा रोग यामुळे
काही फक्त शिक्षणाने
सुशिक्षित झालेले लोक खेड्यांकडे अवैध्य (हातभटीची दारू ) पिण्यासाठी येत
आहेत. खेड्यात रोज पिणारे त्यात अमळनेर शहरातील चोर मार्गाने येणाऱ्या मद्यपी मुळे दहिवद गावांत संध्याकाळी बेवड्यांची
जत्रा भरत होती.
गावांतील होणाऱ्या गर्दी मुळे कोरोना
रोगाचा प्रादुर्भाव होण्याची दाट शक्यता वाटत चालली होती. राज्य उत्पादन शुल्क
कुंभकर्णा सारखे झोपलेले असल्याने न्याय मागावा तरी कुणाकडे ? अशी अवस्था
निर्माण झाली होती .
दहिवदचे प्रभारी पोलीस पाटील प्रविण गोसावी
यांनी पुढे येत ग्रामविकास अधिकारी संजीव सैंदाणे ,ग्रामपंचायत
सदस्य शिवाजी पारधी व देवानंद बहारे यांना
सोबत घेत एकाच दिवसांत तब्बल बारा अवैध्य दारूच्या
भट्ट्या उध्वस्त केल्यात.
प्रविण गोसावी यांनी केलेल्या ह्या कारवाई मुळे सद्यातरी दारू बंदी वर आळा
घालण्याचा एक प्रामाणिक प्रयत्न केला गेला असून कोरोना रोगाचा प्रादुर्भाव रोखण्यासाठी पायबंद करण्यात आला आहे.
ग्रामीण भागातील अवैध मद्य निर्मिती व विक्री यावर नियंत्रण राखण्यासाठी
स्थानिक पातळीवर नागरिकांची मदत घेवून प्रयत्न करणार असल्याचे दहिवदचे प्रभारी
पोलीस पाटील यांनी सांगितले.
कोणत्याही टिप्पण्या नाहीत:
टिप्पणी पोस्ट करा