विश्वची माझे घर
सुंदर आकाश प्रवेशद्वार
जमीन देते आधार
अन्न उचलतं भार....
हवा करते गार
पाणी जीवन सार
जीव सजीव फार
सृष्टी जगण्या आधार....
जन्म मिळाला उधार
निर्माण मातीतुन सारं
शरीर भासतं कणभर
ओझं वाटतं मणभर...
प्रपंच करावा सुंदर
कोण नेलंय वर
असलं छोटंसं घर
चित्त समाधान त्यावर..
नातं त्यात दृढ
आयुष्य असावं सदृढ
काढावं अवैध मार्गाने
संम्पत्ती जमवण्या खुळ...
जाणं निर्मिते आईवडिलांचे
ऋण फेडू भ्रम्हांडाचे
विचारत येतील जन
हेच घर का त्या महापुरुषाचे ........
प्रदीप मनोहर पाटील
गणपूर ता चोपडा जिल्हा जळगाव
मो. 9922239055
घर
सत्य संस्कार घरात
मंदिर वास त्यात
सारे एकत्रित राहत
निर्मळ मन ज्यात....
साथ संगत एकमेकात
घेऊन हातात हात
एकीत करून मात
रममाण कुटुंब संसारात....
सडा रांगोळी अंगणात
आजी आजोबा घरात
आई वडील हृदयात
तुळशी दिवा लावी सांजवात...
जीव साऱ्यांचा एकदुसऱ्यात
आनंदी मुलं घरात
दंग गोष्टी आयकण्यात
जरी आईबाप रानात....
सुख समृद्धी जीवनात
आरोग्य नांदे शरीरात
मान सन्मान जगात
पिकं डोले शेतात....
प्रदीप मनोहर पाटील
गणपूर ता चोपडा जिल्हा जळगाव
मो. 9922239055
कोणत्याही टिप्पण्या नाहीत:
टिप्पणी पोस्ट करा