उस्मानाबाद (राहूल शिंदे) दि.19
जिल्ह्याची आंतरराष्ट्रीय खेळाडू, भारतीय महिला खो-खो संघाची
कर्णधार,शिवछत्रपती पुरस्कार प्राप्त, तालुका क्रीडा अधिकारी, सुवर्णकन्या कु.सारिका सुधाकर काळे (तालुका क्रीडा अधिकारी, तुळजापूर) यांना क्रीडा क्षेत्रातील भारतातील मानाचा सर्वोच्च ''अर्जुन पुरस्कार'' नुकताच जाहीर झाला आहे.
अर्जुन पुरस्कार हा राष्ट्रीय खेळातील उल्लेखनीय कामगिरीबद्दल देण्याची प्रथा भारत सरकारने 1961 मध्ये सुरू केली. 5 लाख रुपये रोख, कांस्य धातूपासून बनलेला अर्जुनाचा छोटा पुतळा आणि प्रमाणपत्र असे पुरस्काराचे स्वरूप आहे.
अर्जुन पुरस्कार प्राप्त होणाऱ्या कु.सारिका काळे या उस्मानाबाद जिल्ह्यातील पहिल्याच महिला खेळाडू आहेत.यांना क्रीडा शिक्षक डॉ.श्री.चंद्रजीत जाधव सर यांचे मार्गदर्शन लाभले.
अर्जुन पुरस्कार प्राप्त झाल्याबद्दल जिल्हा क्रीडा क्षेत्रात आनंदचे वातावरण आहे, क्रीडा, शैक्षणिक,सामजिक,राजकीय क्षेत्रातून अभिनंदन करून शुभेच्छाचा वर्षाव होत आहे.
खरोखरच जिल्ह्यासाठी ही अभिमानाची व खूप आनंदाची बातमी आहे.
तरुणगर्जना टीमच्या वतीने देखील हार्दिक अभिनंदन व पुढील कारकीर्दीसाठी खूप खूप शुभेच्छा! ! !
कोणत्याही टिप्पण्या नाहीत:
टिप्पणी पोस्ट करा