शेगांव( प्रतिनिधी उमेश राजगुरे) विद्यार्थ्याच्या अनेक समस्या सोडविण्या संबंधीचे एक निवेदन धुळे येथील अभाविपच्या कार्यकर्त्यानी राज्याचे मंत्री ना. अब्दुल सत्तार यांना देण्यासाठी वेळ मागितला पण महाआघाडी सरकारातील या मंत्र्याना विद्यार्थ्यांचे प्रश्न महत्वपूर्ण वाटले नाही म्हणून त्यांनी अभाविपच्या कार्यकर्ताना वेळ तर दिलीच नाही उलट पोलिसानं कडून त्यांना अमानुष मारहाण करण्यात आली .
या घटनेचा निषेध करत तसे निवेदन येथील अभाविपच्या कार्यकर्त्यांना तहसीलदार यांना दिले .
महाराष्ट्रातील विद्ार्थ्यांच्या विविध प्रश्नाबाबत तसेच धुळे येथील अब्दुल सत्तार यांच्या गाडी चा ताफा अडविल्या प्रकरणी तेथील विद्ार्थ्यांना गुन्हेगारा सारखी अमानुष मारहाण करण्यात आली . त्याबद्दल महाआघाडी शासनाचा अभाविप ने निषेध केला आहे असे निवेदनात म्हटले आहे .
कोरोना महामारीमुळे अंतिम वर्ष वगळता इतर सर्व वर्षांच्या परीक्षा रद्द करण्यात आलेल्या आहे . परंतू विद्यार्थ्याकडून त्या परीक्षांचे शुल्क घेण्यात आले आहे . तरी ही विद्ार्थ्यां चे हे परीक्षा शुल्क परत करण्यात यावे , शैक्षणिक वर्ष २०२०-२०२१ या वर्षाच्या शैक्षणिक शुल्कात ३० % कपात करण्यात यावी . सरसरीच्या सुत्रामुळे चुकीच्या पध्दतीने लावण्यात आलेल्या निकालाचे पुनर्मूल्यांकन करण्यात यावे , नवीन शैक्षणिक प्रवेशाच्या वेळी विद्ार्थ्यांकडून एकूण शैक्षनिक शुल्काच्या जास्तीत जास्त १५% शुल्क घेऊन प्रवेश देण्यात यावा व उर्वरित शैक्षणिक शुल्क चार टप्यात घेण्यात यावे , अश्या मागण्या निवेदनात नमूद आहे . निवेदन देताना अभाविपचे कार्यकर्ते
यश संघांनी ,अभिषेक घोराडे ,योगेश कडू , भरत चोपडे ,ज्ञानेश्वर गणेश,राम पाटणे आदी अनेक विद्यार्थी उपस्थित होते .
कोणत्याही टिप्पण्या नाहीत:
टिप्पणी पोस्ट करा