शेगाव शहरं (उमेश राजगुरे) दि.२१ शेगांव-कालखेड मार्गावर दि.२० रोजी सकाळी ९:३० च्या सुमारास परप्रांतीय मजुरांना घेऊन जाणाऱ्या मिनीडोअर पलटी झाल्याची घटना घडली या अपघातात २० मजूर जखमी झाले,पैकी दोन गंभीर जखमी झाले आहेत.
याबाबत प्राप्त माहिती अशी की शेगांव येथील एम.एच २८,एबी, ०७१४ या क्रमांकाच्या टाटा एस वाहनातून सकाळी कालखेड रोडवरील एका शेतात सोयाबीन सोंगण्यासाठी जात असतांना शहरानजीक काही अंतरावर बैल गाडीला वाचविण्याचे प्रयत्नात चालकाचा वाहनावरील ताबा सुटल्याने मिनीडोअर उलटले यामध्ये २० मजूर जखमी झाले आहे.
जखमींना शेगावच्या सईबाई मोटे उपजिल्हा रुग्णालयात हलविण्यात आले असता दोन गंभीर जखमी रुग्णाना तात्काळ पुढील उपचारा करीता अकोला येथे हलविण्यात आले आहे. या अपघाताने पुन्हा एकदा मजुरांचा प्रश्न ऐरणीवर आला आहे. मजुरीसाठी मध्यप्रदेशातून महाराष्ट्रात ५० च्या जवळपास आलेले मजूर शेगाव तालुक्यातील मानेगाव येथे राहत होते. यातील मजुरांना घेऊन जातांना समोरून येणाऱ्या बैल गाडीला वाचविण्याचे प्रयत्नात वाहन पलटी झाले. मात्र यावेळी सईबाई मोटे सामान्य रुग्णालयातील तज्ञ डाँक्टर नेहमी प्रमाणे हजर नव्हते. येथील अधिकारी व महत्वाचे डाँक्टर मुख्यालयीन राहत नसल्यामुळे रुग्णांना नेहमीच त्रास सहन करावा लागत आहे. प्रशासनाच्या आरोग्य विभागाकडे तात्काळ लक्ष द्यावे अशी रुग्णांची व त्यांच्या नातेवाईकाची मागणी आहे.
कोणत्याही टिप्पण्या नाहीत:
टिप्पणी पोस्ट करा