शेगाव (उमेश राजगुरे)दि.3 संत निरंकारी चॅरिटेबल फाउंडेशन शाखा शेगाव च्या वतीने संत निरंकारी सत्संग भवन खामगाव रोड शेगाव येथे रक्तदान शिबिराचे आयोजन करण्यात आले होते. या शिबिरात एकूण 51 रक्तदात्यांनी स्वयंस्फूर्तीने रक्तदान केले यामध्ये 46 पुरुष व पाच महिला असा रक्तदात्यांचा सहभाग होता.
शासनाच्या आवाहनाला प्रतिसाद देत संत निरंकारी फाउंडेशन च्या वतीने हे रक्तदान शिबिर घेण्यात आले. या शिबिराचे उद्घाटन शेगाव तहसीलदार शिल्पा बोबडे यांनी दीप प्रज्वलन करून केले. या शिबिराला संत निरंकारी मंडळाचे जिल्हा संयोजक तथा ज्ञान प्रचारक संतोष शेगोकर, प्रतिष्ठित नागरिक विश्वंभर राऊत, श्रीधर महल्ले, कैलास पिसे ,सुरेश यादव ,संतोष पाटणे, विश्वनाथ आघाव, रमेश पानझाडे, पत्रकार अनिल उंबरकर, दिनेश महाजन, अमर बोरसे उपस्थिती होती. या शिबिराला उपजिल्हा रुग्णालय खामगाव येथून डॉक्टर देशमुख व त्यांची चमू व उपजिल्हा रुग्णालय शेगाव येथून डॉक्टर बोर्डे व कर्मचाऱ्यांनी रक्तदान शिबिराला उपस्थित राहून रक्तसंकलन केले.
कोणत्याही टिप्पण्या नाहीत:
टिप्पणी पोस्ट करा