अमळनेर:प्रतिनिधी: माजी महसूल मंत्री एकनाथराव खडसे हे अमळनेर येथून परतीच्या प्रवासात जळगावकडे निघाले असताना त्यांच्या वाहनाचा धरणगावनजीक टायर फुटला मात्र चालकाने वाहनावर नियंत्रण मिळवल्याने अप्रिय घटना टळली.रविवारी सायंकाळी साडेपाच वाजेच्या सुमारास ही घटना घडली. या घटनेत खडसे यांच्यासह त्यांचा स्वीय सहाय्यक,बॉडीगार्ड व चालक बचावले असून त्यांना कुठलीही ईजा झाली नसल्याची स्वतः खडसे यांनी दिली.
अमळनेरहून परतताना वाहनाचे टायर फुटले गृहमंत्री अनिल देशमुख हे रविवारी सायंकाळी विविध विकासकामांच्या उद्घाटनासाठी अमळनेर येथे आले होते व या कार्यक्रमासाठी माजी मंत्री खडसेदेखील उपस्थित होते.
कार्यक्रमानंतर परतीच्या प्रवासात खडसे हे वाहन (एम.एच.19 सीई 19) ने जळगावकडे येत असताना धरणगाव-जळगाव रस्त्यावरील महामार्गावर पुढील टायर अचानक फुटले व चालकाने परीस्थितीवर नियंत्रण मिळवत वाहन रस्त्याच्या कडेला नेले. सुदैवाने या अपघातात कुणालाही खरचटले नाही. या वाहनात माजी मंत्री खडसे यांच्यासह वाहन चालक, स्वीय सहाय्यक व बॉडीगार्ड असल्याची माहिती सूत्रांनी दिली.
कोणत्याही टिप्पण्या नाहीत:
टिप्पणी पोस्ट करा