परंडा (राहूल शिंदे) दि.16 दीपावली पाडव्याच्या शुभ मुहूर्तावर बावची विद्यालय परंडा येथे युवा स्पोर्ट्स अकॅडमीचे उदघाटन करण्यात आले, ग्रामीण भागातील खेळाडूंना व्यासपीठ व क्रीडांगण उपलब्ध करून,मुलांच्या शारीरिक सुदृढतेवर भर देणे,राष्ट्रीय आंतराष्ट्रीय दर्जाचे खेळाडू तयार करणे तसेच तळागाळातील खेड्यापर्यंत खेळाचे महत्व पटवून देणे हा उद्देश समोर ठेऊन युवा स्पोर्ट्स अकॅडमी मध्ये प्रशिक्षण देण्यात येणार आहे, असे युवराज देवकर यांनी बोलताना सांगितले.
माजी कृषी सभापती रणजितसिंह पाटील, बावची विद्यालयाचे संस्थापक अध्यक्ष श्रीरंग रोडगे तसेच बावची विद्यालयाचे क्रीडा शिक्षक नारायण खैरे यांच्या मार्गदर्शनाखाली क्रीडांगणाच्या कामकाजाची सुरुवात झाली, परंडा तालुक्यातील क्रीडा क्षेत्राचा विकास हा उद्देश समोर ठेऊन या ठिकाणी विविध प्रशिक्षण शिबिरांचे आयोजन करण्यात येणार आहे.
यावेळी विद्यालयाचे संस्थापक अध्यक्ष श्रीरंग रोडगे, शिक्षणशास्त्र महाविद्यालय बार्शीचे प्रा.डॉ.मार्कड प्रमुख पाहुणे म्हणून उपस्थित होते तसेच तालुका क्रीडा संयोजक व उस्मानाबाद कबड्डी असोसिएशनचे सदस्य सचिन पाटील, परंडा वकील संघटनेचे अध्यक्ष अँड.विलास देवकर,पंचायत समिती सदस्य सतीश देवकर,
युवा स्पोर्ट्स अकॅडमी चे सचिव किरण बोबडे, उद्योजक शरद पवार,युवा स्पोर्ट्स अकॅडमी परंडा चे मुख्य प्रशिक्षक व स्पोर्ट्स डायरेक्टर प्रा.दीपक ओव्हाळ, कुस्ती प्रशिक्षक राम गोडगे, पुणे विद्यापीठ खेळाडू अजित मुळीक, वैभव ठोंबरे, क्रीडा शिक्षक-क्रिकेट कोच गोकुळ गोपाळघरे, सचिन मोरे, औरंगाबाद विद्यापीठ खेळाडू गणेश जाधव, सचिन मोरे, प्रकाश लोकरे,अतुल देवकर, गणेश देवकर,सुरेश दाखवले,अमर निमकर आदी मान्यवर उपस्थित होते.
कोणत्याही टिप्पण्या नाहीत:
टिप्पणी पोस्ट करा