परंडा (राहूल शिंदे) दि.5 मराठवाडा पदवीधर मतदारसंघात 78 तालुके 10 हजार गावे असून या निवडणुकी साठी उस्मानाबाद जिल्ह्यात 72 मतदान केद्र व 2 सहाय्यक अशी एकूण 74 मतदान केंद्र निश्चित केली असून एकूण 33 हजार 67 मतदार आहेत. मराठवाड्यातील पदवीधर, वैद्यकीयशास्र ,रस्ते विकास , शिक्षण या विषयावर गेली दहा वर्ष प्रामाणिकपणे प्रयत्न केला असून पुढील काळात उर्वरित प्रलंबित प्रश्न नक्कीच सोडवू असे मराठवाडा पदवीधर मतदारसंघाचे आ.सतीष चव्हाण यांनी परंडा येथे सहविचार आयोजीत सभेत बोलताना सांगितले.
यावेळी माजी आ.राहूल मोटे,जि.प सदस्य दादासाहेब पाटील, नवनाथ जगताप, वकील बार असोसिएनचे अध्यक्ष अँड.विलास देवकर,श्रीकांत भालेराव, अँड.गोविंद कोटुळे, राष्ट्रवादी ता.अध्यक्ष अँड.संदीप पाटील, दत्तात्रय पाटील, राष्ट्रवादी युवक ता.अध्यक्ष धनंजय पाटील, राष्ट्रवादी शिक्षक संघाचे ता.अध्यक्ष सचिन पाटील , मुख्याध्यापक बिभिषण रोडगे यांच्यासह विविध क्षेत्रातील मान्यवर व पदवीधर मतदारांची उपस्थिती होती.
कोणत्याही टिप्पण्या नाहीत:
टिप्पणी पोस्ट करा