शेगाव :प्रतिनिधि (उमेश राजगुरे)येथील पंचशिलनगर परिसरातील रहिवासी टिना शरद बदेले या विवाहितेने 6 डिसेंबर रोजी स्वत:च्या राहत्या घरी गळफास घेऊन जीवन संपविण्याचा प्रयत्न केला होता. मात्र घटना घरच्यांच्या निदर्शनास आल्यानंतर त्यांनी महिलेला वाचविण्याचा प्रयत्न केला.
पंरतू या घटनेत सदर महिला गंभीर जखमी झाली होती. त्यानंतर तिच्यावर अकोला येथे उपचार सुरू होते. शेवटी काल 11 डिसेंबर रोजी उपचारादरम्यान सदर विवाहितेचा मृत्यू झाला.
महिलेच्या मृत्यूनंतर तिच्या माहेरच्यांनी शहर पो.स्टे.ला सासरच्या मंडळीविरूध्द तक्रार दिली असून फिर्यादी रेखा कैलास परवरे वय 37 रा. दिप बाजारसमोर, नांदेड कवठा यांच्या तक्रारीवरून पोलिसांनी आरोपी पती शरद नंदलाल बदेले, गं.भा.बेबी नंदलाल बदेले, नणंद पारा सर्व रा.पंचशिल नगर शेगाव यांच्या विरूध्द कलम 304 ब, 498 अ, 504, 34 भादंविनुसार गुन्हा दाखल केला आहे. पुढील तपास पोलिस करीत आहेत.
कोणत्याही टिप्पण्या नाहीत:
टिप्पणी पोस्ट करा