धडगाव प्रतिनिधी:शासनाच्या इंदिरा गांधी.वृद्धापकाळ योजना,इंदिरा गांधी राष्ट्रीय विधवा योजना,इंदिरा गांधी अपंग निवृत्तीवेतन योजना,श्रावणबाळ राज्य निवृत्तीवेतन योजना इ.योजनांचा अक्राणी तालुक्यातील सात जिल्हा परिषद गटात (तोरणमाळ,घाटली,राजबर्डी,असली, मांडवी,कात्री,रोषमाळ खु!) इ.ठिकाणी प्रत्येकी एक एक कॅम्प व धडगाव शहरात एक कॅम्प आयोजित करून व दारिद्र्य रेषेखालील यादीत नाव समाविष्ट नसलेल्या गरजू लाभार्थ्यांना स्थानिक तलाठी पंचनामा करून निराधार योजनांचा लाभ द्यावा अशी मागणी महाराष्ट्र राज्य युवा परिषदेचे तालुका समन्वयक जितेंद्र दिलीप ढोले यांनी अक्राणी तालुक्यातील तहसिलदार ज्ञानेश्वर सपकाळे यांच्याकडे निवेदनाद्वारे केली आहे.
निवेदनाची दखल घेत लवकरात लवकर निराधार योजनेच्या कॅम्पची तारीख निश्चित करू व कॅम्प आयोजित करून गरजू लाभार्थ्यांना लाभ देऊ
(ज्ञानेश्वर सपकाळे-अक्राणी तालुका तहसिलदार)
अक्राणी तालुक्यात बहुतांश गरजू लाभार्थी निराधार योजनेपासून वंचित आहेत हीच बाब लक्षात घेता अक्राणी तालुक्यातील तहसीलदार ज्ञानेश्वर सपकाळे ह्यांना निवेदन देण्यात आले आहे.तालुक्यात लवकरात लवकर कॅम्प आयोजित करण्याचा प्रयत्न करू त्यासाठी स्थानिक सामाजिक कार्यकर्त्यानिही पुढाकार घेऊन जनतेस सहकार्य करायचं आहे.
(जितेंद्र दिलीप ढोले-महा-राज्य युवा परिषद तालुका अक्राणी समनव्ययक)
कोणत्याही टिप्पण्या नाहीत:
टिप्पणी पोस्ट करा