अमळनेर तालुक्यात अन्न सुरक्षा कायदा कलम ३ व ७ नुसार गुन्हा दाखल झालेल्या रेशन दुकांदारांना जोडली चार रेशन दुकाने
उपसंपादक पंकज पाटील अमळनेर
अमळनेर:तालुक्यात रेशन माफिया व त्यांचा भ्रष्टाचार हा विषय नवा नसून या माफियांना जिवंत ठेवण्यासाठी तालुक्यातील रेशन दुकाने मुक्त हाताने जोडण्याचे काम अमळनेर पुरवठा विभागाकडून नेहमीच सुरु असते.
प्रांत अजय मोरे ,तहसिलदार प्रदीप पाटील यांच्या कार्यकाळात ज्या रेशन दुकानदारावर कलम ३ व ७ नुसार गुन्हे दाखल झाले होते,अश्या रेशन दुकानदारांचे शुद्धीकरण केले तरी कुणी ? कोणत्या अधिकारी /कर्मचारी यांना या रेशन दुकानांच्या कामांत पारदर्शक कारभार दिसून आला ? हे प्रश्न आजही जनतेसमोर आहेतच .अश्यातच आजही गैरकारभार करणाऱ्या रेशन दुकांदारांना पुरवठा विभागाकडून जवळ घेतले जात आहे .
रेशन दुकानाचा काळा बाजार करणाऱ्या याच दुकांदाराकडून जिल्हावरून दुकानाची तपासणी होणार असल्याचे भय दाखवून तालुक्यातील दुकानदाराकडून पाकीट गोळा केली जात असून ती पाकीट जिल्ह्यावर पोहचवली जात असल्याची वार्ता तालुक्यात आहे.
एकंदरीत अमळनेरची रेशन प्रणाली पुर्णपणे भ्रष्टाचाराच्या विळख्यात असून खरा व गरजू लाभार्थी आजही वंचित आहे.लॉकडाऊन काळात गरिबांच्या घरात रेशन न जाता ते रेशन दुकानदारांच्या घश्यात तर गेले नसेल ना ? त्यामुळेच जिल्ह्यावरून दुकान तपासणीचा धाक दाखवून पाकीट गोळा केली तर जात नाहीत ना ? या सर्व प्रकरणाचा तपास सुरु असून खर काय ते जनतेसमोर येईलच .
अमळनेर तहसिलदार यातून जरुर मार्ग काढतील व गुन्हा दाखल झालेल्या रेशन दुकांदारांची दुकाने काढून पारदर्शक प्रणाली आणतील असा विश्वास जनतेला आहे. कारण अमळनेर तहसिलदार यांच्या पारदर्शक कारभाराचा तालुक्यात बोलबाला आहे.
कोणत्याही टिप्पण्या नाहीत:
टिप्पणी पोस्ट करा