शिरपूर प्रतिनिधी:शिरपूर शहर पोलीस स्टेशनचे पोलीस निरीक्षक हेमंत पाटील हे धुळे जिल्ह्यातील मोहाडी पोलीस स्टेशन येथे पोलीस निरीक्षक म्हणून कर्तव्यावर असतांना मोहाडी पोलीस स्टेशन येथे एक बाल लैंगीक अत्याचार कायदा कलमन्वये गुन्हा दाखल होता या गुन्ह्याचा पोलीस निरीक्षक हेमंत पाटील यांनी सखोल तपास करत सदर गुन्ह्यातील फिर्यादी व साक्षीदार फितूर झाले असतांना देखील या गुन्ह्यातील संशयितांना न्यायालयात भौतीक, परिस्थितीजन्य व इलेक्ट्रॉनिक्स पुरावे सादर करुन शिक्षा सुनावली.
या गुन्ह्याचा सर्वोत्कृष्ट कामगिरी केल्याबद्दल पोलीस निरीक्षक हेमंत पाटील यांना केंद्रीय गृहमंत्री भारत सरकार यांच्याकडील प्राप्त प्रशतीपत्र देऊन सन्मान करण्यात आला.
धुळे येथे 26 जानेवारी रोजी सकाळी धुळे जिल्ह्याचे पालकमंत्री अब्दुल सत्तार यांच्या हस्ते सदर प्रशतीपत्र देऊन हेमंत पाटील यांना गौरविण्यात आले.
कोणत्याही टिप्पण्या नाहीत:
टिप्पणी पोस्ट करा