जामनेर प्रतिनिधी: आज दिनांक १५ जानेवारी २०२१ रोजी श्रीराम मंदिर निधी समर्पण कार्यालया तर्फे निधी संकलन अभियानास सुरुवात करण्यात आली. अभियानाच्या पहिल्या दिवशी म्हणजेच १५ जानेवारी २०२१ ला निधी संकलनासाठी शहरातील विविध मान्यवर व्यक्तींच्या भेटी गाठी घेण्यात आल्या.या अभियानांतर्गतच आ. गिरीष महाजन यांच्या निवासस्थानी श्रीराम मंदिर, अयोध्या निधी समर्पण अभियानाचे कार्यकर्ते आलेले होते.
त्यावेळेस आ. गिरीष महाजन यांनी ५,०१,१११ /- रुपये ( पाच लाख एक हजार एकशे अकरा रुपये मात्र) तसेच जामनेर नगरीच्या प्रथम लोकनियुक्त नगराध्यक्षा सौ. साधनाताई गिरीष महाजन यांनी ५१,००० /- रुपयांचा (एकावन्न हजार मात्र) धनादेश तालुका अभियान प्रमुखांकडे दिला.
याप्रसंगी गिरीषभाऊंनी १९९२ च्या कारसेवेच्या आठवणींना उजाळा देत श्रीराम मंदिर, अयोध्या निधी समर्पण अभियानास शुभेच्छा दिल्या.
यावेळी उपस्थित संघ कार्यवाह निलेश माळी, विहिंप प्रखंड मंत्री प्रवीण सुशीर, सह अभियान प्रमुख गजानन माळी, हिशोब प्रमुख श्याम मुळे, सह हिशोब प्रमुख सदानंद देशपांडे, कार्यालय प्रमुख सुखदेव महाजन, केदारजी ओक, गजानन लोणारी, महाले आप्पा, किशोर झांबरे, गोपाल बुळे, नाना सातवे, कर्ण बारी, आकाश नेमाडे, आशुतोष पाटील, गुंजन लोढा, राहुल माळी व छगन दादा झाल्टे, जालमसिंग राजपूत, दीपक तायडे, सदानंद माळी आदी उपस्थित होते.
कोणत्याही टिप्पण्या नाहीत:
टिप्पणी पोस्ट करा