परंडा (राहुल शिंदे) दि.19 तालुक्यातील चिंचपूर (बु) येथील नाबार्ड बॅंकेच्या अर्थ सहाय्याने स्थापन झालेल्या गुगळाई देवी अँग्रो प्रोड्यूसर कंपनी लिमिटेड यांच्या वतीने,आपल्या दैनंदिन जीवनात स्वच्छते बाबत नागरिकांनी कोणत्या प्रकारची व कशा प्रकारे काळजी घ्यावी, महिला बचत गटासाठी शेतीपूरक व्यवसाय कोणते ? व कशा प्रकारे करावे? या बाबत सविस्तर मार्गदर्शन करण्यात आले.प्रथम कार्यक्रमाची सुरुवात छत्रपती शिवाजी महाराजांच्या प्रतिमेचे पूजन करून झाली. कार्यक्रमाला प्रमुख मार्गदर्शक म्हणून नाबार्ड बॅंक उस्मानाबादचे विनायक कोठारी साहेब,उस्मानाबाद जिल्हा बॅंकव्यवस्थापक विजयकर सर, निसर्ग सेवा भावी संस्था अंबाजोगाईचे वाघमारे सर व त्यांची संपूर्ण टीम,रयज सर, भास्कर जाधव,सिद्धार्थ सावंत यांनी मार्गदर्शन केले.
या कार्यक्रमाचे आयोजन गुगळाई देवी अँग्रो प्रोड्यूसर कंपनीचे चेअरमन दत्तात्रय अंकुश मल्हारे यांनी केले होते.तानाजी देवकर, दत्तात्रय घिगे,सौ.सोनाली दत्तात्रय मल्हारे यांनी विशेष सहकार्य केले. या कार्यक्रमासाठी पंचक्रोशीतील कंपनीचे सर्व सभासद व शेतकरी तसेच महिला बचत गटातील महिला उपस्थितीत होत्या.कार्यक्रमांची सांगता स्वच्छते बाबतची सामूहिक शपथ घेऊन झाली.
कोणत्याही टिप्पण्या नाहीत:
टिप्पणी पोस्ट करा