शेगाव (प्रतिनिधी) शहराचे मुख्य चौक असलेल्या छत्रपती शिवाजी महाराज चौकांमध्ये दि.२८ जानेवारी रोजी दुपारी चार वाजे दरम्यान दोन रेती माफियांमध्ये
तुडुंब हाणामारी झाली. या घटनेमुळे चौकामध्ये काही काळ तणाव सदृश्य परिस्थिती निर्माण झाली होती.याबाबत मिळालेल्या माहितीनुसार,शेगाव परिसरात पोलीस आणि महसूल विभागातील काही भ्रष्ट अधिकाऱ्यांच्या आशीर्वादाने मोठ्या प्रमाणात रेतीची तस्करी जोरात सुरू आहे.रेती माफिया वर कोणतीही कारवाई होत नसल्याने परिसरांमध्ये रेती माफियांची संख्या भरमसाठ वाढलेली आहे.
त्यामुळे ग्राहक शोधण्यासाठी आपसी स्पर्धासुद्धा पहावयास मिळते.अशाच शुल्लक कारणावरून शेगाव येथील अतिशय वर्दळीच्या असलेल्या व शहराचे हृदयस्थान म्हणून ओळखल्या जाणाया छत्रपती शिवाजी महाराज चौकामध्ये २८ जानेवारी रोजी दुपारी चार साडेचार वाजे दरम्यान दोघा रेती माफियांमध्ये वादावादी झाली.वादाचे पर्यावसन हाणामारी मध्ये झाल्यामुळे घटनास्थळावर शेकडोंचा जमाव एकत्रित झाला होता. यावेळी पोलिस दिसेनासे झाले होते.त्यामुळे काही काळ चौकामध्ये तनाव सदृश्य परिस्थिती निर्माण झाली होती.
शेगाव शहर हे महाराष्ट्रातील प्रमुख धार्मिक तीर्थस्थळ असून वरिष्ठ अधिकाऱ्यांनी या बाबीकडे लक्ष न दिल्यास शेगाव शहराची शांतता भंग होण्याची शक्यता नाकारता येत नाही.याकडे वरिष्ठांनी लक्ष देण्याची गरज आहे.
कोणत्याही टिप्पण्या नाहीत:
टिप्पणी पोस्ट करा