शिंदखेडा प्रतिनिधी: येथील शिंदखेडा ते शिरपूर राज्य महामार्गावरील बुराई नदी पुलाचे तुटलेल्या कठडे दुरुस्त करण्यासंदर्भात योगेश चौधरी, जीवन देशमुख, चंद्रकांत माळी यांनी वेळोवेळी पाठपुरावा केला होता. सा.बां. विभागाचे कार्यकारी अभियंता शामकांत भोसले व शिंदखेडा उपविभागीय अभियंता एम.आर.पवार यांनी विषयाचे गांभीर्य लक्षात घेऊन कठडे दुरुस्तीचे आश्वासन दिले होते. आज दि. 19 पासून कठडे दुरुस्त करण्याचा कामास सुरुवात केली आहे.
शिंदखेडा ते शिरपूर राज्य महामार्गावर मागील 4 महिन्यापूर्वी पुलावरून माल वाहतूक ट्रक खाली कोसळला होता. त्यात पुलाचे कठडे तुटले होते. सदर पुलावरून मोठ्या प्रमाणात वाहतूक होत.
असून शाळकरी मुले, नागरिकांचा देखील मोठ्या प्रमाणावर वर्दळ असते. कठडे अभावी अपघाताची भीती व्यक्त होत होती. या संदर्भात योगेश चौधरी, जीवन देशमुख, चंद्रकांत माळी यांनी वेळोवेळी पाठपुरावा केला. याची दखल घेत साबांविभागाने पुलावरील कठडे दुरुस्तीला सुरुवात केली आहे. होत असलेल्या कठडे दुरुस्तीचे नागरिकांना समाधान व्यक्त केले आहे.
कोणत्याही टिप्पण्या नाहीत:
टिप्पणी पोस्ट करा