शिरपूर प्रतिनिधी :शिरपुर शहरातील मर्चंट बँकेच्या विरोधात बातमी छापल्या प्रकरणी येथील दैनिक समाज शक्तीचे संपादक ईश्वर बोरसे यांना मर्चंट बँकेच्या काही कर्मचाऱ्यांनी धमकी देत धक्काबुक्की केल्याची घटना घडली आहे.पुन्हा मर्चंट बँकेच्या विरोधात बातमी छापल्यास पाय तोडून खोटा गुन्हा दाखल करण्याची धमकी देत धक्काबुक्की केली. याप्रकरणी ईश्वर बोरसे यांनी शिरपूर शहर पोलीस ठाण्यात कर्मचाऱ्यांवर गुन्हा दाखल केला आहे.
शहरात स्थानिक दैनिक वर्तमानपत्र असलेल्या समाज शक्तीचे संपादक ईश्वर बोरसे यांनी सोमवारी शहरातील मर्चंट बँकेच्या विरोधात भ्रष्टाचार संदर्भात बातमी छापलेली होती. यासंदर्भात ईश्वर बोरसे सोमवारी सकाळी साडेसहा वाजेच्या सुमारास वर्तमानपत्र वाटप करीत होते.यावेळी शहरातील अलंकार चित्रपटगृहा जवळ दोन दुचाकीवर चार जण आले. त्यांनी बोरसे यांना तु मर्चंट बँके विरोधात पेपर मध्ये मजकूर का छापला ? आम्ही तिथले कर्मचारी आहोत.बँक बंद झाली तर आमच्या रोजीरोटीचा प्रश्न आहे असे सांगितले.त्यानंतर बोरसे यांनी बँकेत भ्रष्टाचार झाला आहे.
त्यात तुमचा काय संबंध नाही.तर मग म्हणून तुम्ही घाबरतात का ? असे सांगितले.यानंतरही त्या कर्मचाऱ्यांनी बोरसे यांना परत बँकेच्या संदर्भात बातमी छापल्यास हात – पाय तोडेन व खोटा गुन्हा दाखल करण्याची त्यांनी धमकी देत धक्का-बुक्की केली.
याप्रकरणी ईश्वर बोरसे यांनी शिरपूर पोलिस ठाण्यात मर्चंट बॅंकेचे कर्मचारी संजय कुलकर्णी,गोपाल गुजराथी व एक नाव माहित नाही यांच्याविरुद्ध शिवीगाळ करून जीवे ठार मारण्याची धमकी दिलेली आहे.या कर्मचाऱ्यांनी ईश्वर बोरसे यांना दमदाटी करत धक्काबुक्की केलेली आहे.त्यामुळे बोरसे यांनी गुन्हा दाखल करून त्यांच्या पासून जिवाला धोका असल्याचा गुन्हा दाखल केलेला आहे.
कोणत्याही टिप्पण्या नाहीत:
टिप्पणी पोस्ट करा