परंडा तालुक्यात खरीप पूर्व तयारीच्या कामास वेग....

परांडा (राहूल शिंदे)दि.27 तालुक्यातील चिंचपूर (बु) येथे येथे मंडळ कृषी अधिकारी कैलास देवकर याच्या उपस्थितीत खरीप पुर्व नियोजन आढावा बैठक कोविड-19 च्या सर्व नियमांचे पालन करून पार पडली सदर बैठकीमध्ये घरगुती बियाण्यांचा वापर, बी.बी.एफ. यंत्रमार्फत उडीद,मूग सोयाबीन यांची पेरणी करणे व त्याचे फायदे याबाबत शेतकऱ्यांना सविस्तर मार्गदर्शन करण्यात आले. तसेच पेरणी पुर्वी उगवण क्षमता तपासणी प्रात्यक्षिक करून दाखविण्यात आले, तसेच पेरणी पुर्वी बियाण्यास अनुक्रमे बुरशीनाशक,कीटकनाशक,जैवक बीजप्रक्रिया करणेबाबत तसेच खत पुरवठा याबाबत मार्गदर्शन करण्यात आले. यावेळी कृषी पर्यवेक्षक एस.के.माळी, कृषी सहाय्यक पी.एम. देवकर व शेतकरी बांधव उपस्थित होते.