शिरपूर प्रतिनिधी : तालुक्यातील बोरगाव येथे आज केंद्र व राज्य सरकारच्या संयुक्त विद्यमानाने सार्वजनिक आरोग्य विभाग 'नॅशनल मोबाईल मेडीकल युनिट' तर्फे बोरगाव येथे मोफत आरोग्य तपासणी करण्यात आली.
नॅशनल मोबाईल मेडीकल युनिट (स्वास्थ एवं परिवार कल्याण मंत्रालय) मार्फत पहिल्या फेरीत तालुक्यातील 48 गावांत जाऊन गावातील गरोदर महिला, लहान मूल, वृद्ध स्त्री पुरुषांची मोफत आरोग्य तपासणी करणार आहेत.
बोरगावातील ग्राम पंचायत कार्यालयात गावातील ग्रामस्थांची बीपी, डायबिटीज व इतर आरोग्य तपासण्या डॉ डी एस पवार यांच्या मार्गदर्शनाखाली करण्यात आल्या. यावेळी गावातील 3 गरोदर महिलांचीही तपासणी करण्यात आली तसेच सर्वांना मोफत औषधी देखील देण्यात आली.
गावातील ज्या ग्रामस्थांना आज मोफत आरोग्य तपासणीचा लाभ घेता आला नाही त्यांची पुढील महिन्यात तपासणी करण्यात येईल असे मोबाईल मेडिकल युनिट मार्फत सांगण्यात आले.
यावेळी उपसरपंच योगेंद्रसिंग सिसोदिया, पोलीस पाटील मनोहर पाटील, माजी सैनिक दगेसिंग राजपूत, माजी सरपंच रघुनाथ कोळी, कौतिक येशी, विठ्ठल कोळी, गोरख न्हावी, आनंदसिंग राजपूत, गुलाब भिल, पत्रकार अमोल राजपूत इ उपस्थित होते.
कोणत्याही टिप्पण्या नाहीत:
टिप्पणी पोस्ट करा