शेगाव : शहर प्रतिनीधी (उमेश राजगुरे )शहरातील व्यंकटेश नगर साठी गेल्या अनेक वर्षापासून अंगणवाडी नसल्यामुळे या परिसरातील बालके शालेय पोषण आहारापासून वंचित राहत आहेत तसेच अंगणवाडी नसल्यामुळे शिक्षणाची ओढ बालकांना लहानपणापासून लागत नाही त्यामुळे व्यंकटेश नगर साठी अंगणवाडी देण्यात यावी अशी मागणी सुरज बोरसे यांनी एकात्मिक बाल विकास प्रकल्प अधिकारी बुलढाणा यांच्याकडे २२ सप्टेंबर रोजी केली आहे.
बऱ्याच ठिकाणी कुपोषणाच्या प्रमाणात वाढ झाली असली तरी हे प्रमाण शहरी भागात कमी आहे परंतु कुपोषण पूर्णतः रोखण्यासाठी प्रत्येक बालक अंगणवाडीत गेले पाहिजे परंतु बऱ्याच ठिकाणी आजही अंगणवाडीचा अभाव दिसून येते क्षमतेपेक्षा जास्त बालके झाल्याने इतर अंगणवाडीत त्यांचा प्रवेश निश्चित करण्यात येत नाही. व्यंकटेश नगर भागातील अनेक बालके गेल्या काही वर्षापासून अंगणवाडीच्या प्रवेशापासून वंचित आहेत त्यामुळे व्यंकटेश नगरात अंगणवाडी देण्यात यावी अशी मागणी सुरज बोरसे यांनी केली आहे.
कोणत्याही टिप्पण्या नाहीत:
टिप्पणी पोस्ट करा