महाविकास आघाडी सरकार राज्यात सत्तेवर आल्यानंतर नगरपालिकेच्या निवडणुकांसाठी भाजपची बहू सदस्यीय पद्धत बदलून वॉर्ड पध्दतीने निवडणूक होईल अशी शक्यता होती पण मुंबई वगळता सर्वच ठिकाणी बहू सदस्यीय पद्धत जैसे थे ठेवल्याने अनेकांचा हिरमोड झाला आहे,यात दोंडाईचा नगरपालिकेच्या निवडणुकीचा इतिहास पाहिला तर ही पध्दत रावल गटासाठी नेहमीच अधिक फायदेशीर ठरली आहे,कारण रावल गटाची संपूर्ण दोंडाईचा शहरात मते आहेत वॉर्ड पद्धतीने ती विभागली जातात पण द्विसदस्यीय पद्धतीने ही मते निर्णायक ठरतात म्हणून जे हौसे- -गवसे-नवसे होते त्यांचा हिरमोड झाला असल्याची चर्चा दोंडाईचा शहरात आहे..
सन 2001 आणि 2016 मध्ये बहू सदस्यीय पद्धत होती त्यात रावल गटाने एकतर्फी बाजी मारली होती आता ही सण 2016 चीच पद्धत राज्य शासनाने अवलंबली असल्याने या निवडणुकीतही देखील रावल गटाला लाभदायक ठरेल असा जाणकारांचा अंदाज आहे, याशिवाय शहरात 55 कॉलनी मध्ये झालेल्या जॉगिंग ट्रॅक,मुलांना खेळण्यासाठी बगीचा,ओपन जिम,भव्य दिव्य प्रशासकीय इमारत, राजपथ,नवीन पाणीपुरवठा योजना, अमरावती आणि भोगावती नदीचे झालेले सुशोभीकरण,अब्दुल कलाम सेतू मुळे दलित वस्ती सह गौसिया नगर चा भाग जोडणे, शहरात विविध भागात झालेले रस्ते 11 घंटागाड्या मार्फत दररोज होणारी साफसफाई आदी अनेक चांगल्या सुविधा 5 वर्षाच्या काळात आमदार जयकुमारभाऊ रावल यांनी शहरात केल्या आहेत.या 5 वर्षात शहरात मोठ्या प्रमाणावर विकास झाला ही बाब विरोधक देखील मान्य करीत असल्याने ही रावल गटासाठी जमेची बाजू आहे.
एकूणच वॉर्ड पध्दतीने निवडणूक होईल ही आशा बाळगणाऱ्यांचा हिरमोड झाला असून दुसरीकडे रावल गटामध्ये आनंदाचे वातावरण आहे.
कोणत्याही टिप्पण्या नाहीत:
टिप्पणी पोस्ट करा