कोपरगांव प्रतिनिधी:- कुमारी भाग्यश्री ज्ञानेश्वर वाडीले यांची बँक आँफ अमेरिका, शाखा वाॅशिंग्टन या ठिकाणी टेक असिस्टंट या पदावर नियुक्ती झाल्याबद्दल परिसरातून तसेच सामाजिकपातळीवरून त्यांचे हार्दिक अभिनंदन होत आहे.
कुमारी भाग्यश्री यांचे वडील कोपरगांव शहरात एका ठिकाणी वडा पावची गाडी लावत आहेत तर आई डोक्यावर भाजीपाल्याची टोपली घेऊन भाजीपाला विकण्याचा व्यापार करत आहे. मोठ्या कष्टातून पालकांनी आपल्या मुलीचे शिक्षण केल्याचे समजते. अस म्हणतात की, सुरुवात नेहमीच छोटी करावी पण शेवट मात्र एक सोहळाच बनला पाहिजे. आयुष्यात सावकाश चला काही हरकत नाही पण चालताना असं चालायचं की आपल्या कर्तृत्वाची, मनमिळावू स्वभावाची आणि दैदिप्यमान यशाची सोनपावलं सदैव मागे उमटलीच पाहिजेत असचं काही तरी कुमारी भाग्यश्री हिच्या बाबतीत घडले आहे.
आईवडिलांच्या कष्टाचे मात्र कुमारी भाग्यश्री हीने सार्थक केले आहे. संघर्षातून अस्तित्व निर्माण झाले की, आयुष्य जगण्यात एक वेगळाच रूबाब येतो आणि "रुबाब" हा विकत घेता येत नाही, अन् दाखवता पण येत नाही पण तो व्यक्तिमत्त्वातून सिद्ध होतो तसचं कुमारी भाग्यश्री हीने आपले एक व्यक्तीमत्व निर्माण केले आहे. कुमारी भाग्यश्री हीस तरुण-गर्जना या परिवाराकडून भावी आयुष्यातील कार्यास आम्ही शुभेच्छा पाठवत आहोत.
कोणत्याही टिप्पण्या नाहीत:
टिप्पणी पोस्ट करा