(जळगाव) चाळीसगाव शहरात गेल्या आठवड्यातच एका 16 वर्षीयी मुलीवर अत्याचार झाल्याची घटना ताजी असतांनाच काल दि. 27 रोजी चार वर्षीय चिमुरडीवर अत्याचार झाल्याची घटना उघडीस आली आहे. या घटनेने चाळीसगाव शहरात खळबळ उडाली असुन नराधमास पोलिसांनी ताब्यात घेतलं आहे. शहरात गेल्या आठ दिवसात ही दुसरी घटना घडल्याने पंचक्रोशीतुन संतापाची लाट उमटू लागली आहे. माणुसकीला काळिमा फासणारी ही घटना असून आरोपीला कठोरात कठोर शासन व्हाव्ही अशी मागणी येथील सामजिक कार्यकर्त्या तथा दक्षता समिती सदस्य सोनाली लोखंडे यानी केली आहे. पीडित मुलीच्या नात्यातला असलेल्या सावळाराम शिंदे या नराधमाने चिमुरडीला खाऊ घेऊन देण्याचं आमिष दाखऊन या बालिकेवर अत्याचार केले. नंतर त्या मुलीला तिच्या आईजवळ आणून सोडून पलायन करण्याचा प्रयत्न या नराधमाने केला. मुलीचे रक्ताने माखलेले कपडे पाहून तिच्या आईला वेगळी शँका आल्याने मुलीच्या आईने आरडाओरड केल्याने झालेला प्रकार त्यांच्या लक्षात आला त्यानंतर संशयित आरोपी सावळाराम भानुदास शिंदे वय ( 26) हा पळून जाण्याचा प्रयत्न करीत असतांना लोकांनी पकडून त्याला चांगलाच चोप दिला आणि नंतर पोलिसांच्या स्वाधीन केलं. चाळीसगाव ग्रामिण रुग्णालयाचे वैद्यकीय अधिकारी मंदार करंबळेकर यांनी बालिकेवर अत्याचार झाल्याचे सांगत बालिकेला इजा झाल्याने तिला पुढील उपचारासाठी जळगाव जिल्हा रुग्णालयात हलविण्यात आल्याची माहिती त्यांनी दिली आहे. याप्रकरणी चाळीसगाव शहर पोलीस स्टेशनला चिमुरडीच्या आईच्या फिर्यादीवरुन सावळाराम भानुदास शिंदे याच्या विरोधात भादवी कलम ३६३ सह विविध कलमान्वय गुन्हां दाखल करण्यत आला आहे. पुढील तपास सहायक पोलिस निरीक्षक विशाल टकले हे करीत आहेत.
तरुण गर्जना वृत्तपत्र सह
चंद्रशेखर अहिरराव धुळे
कोणत्याही टिप्पण्या नाहीत:
टिप्पणी पोस्ट करा