राज्यातील द्राक्ष बागायतदार तसेच वाईन उद्योगास चालना देण्यासाठी आता सुपर मार्केट तसेच ‘वॉक इन स्टोअर’मध्ये वाइन विक्रीस परवानगी देण्याचा निर्णय राज्य मंत्रिमंडळाच्या गुरुवारी झालेल्या बैठकीत घेण्यात आला आहे. द्राक्ष बागायतदार शेतकऱ्यांना फायदा व्हावा, तसेच, वाइन उद्योगास चालना मिळावी या हेतूने हा निर्णय घेण्यात आल्याची माहिती अल्पसंख्याक मंत्री नबाव मलिक यांनी दिली आहे. मात्र राज्यातील भाजपा नेत्यांनी या निर्णयाला विरोध करत महाविकास आघाडी सरकारवर जोरदार टीका केली आहे.
मात्र शेजारच्याच राज्यात भाजपाचे मुख्यमंत्री असणाऱ्या सरकाराने होम बार लायसन्सला परवानगी दिली आहे. मध्य प्रदेशात नवीन आर्थिक वर्षात १ एप्रिलपासून नवीन उत्पादन शुल्क धोरण लागू केले जाणार आहे. नवीन उत्पादन शुल्क धोरणात द्राक्षांव्यतिरिक्त बेरीपासून वाइन बनवण्यास परवानगी देण्यात आली आहे. तसेच विदेशी मद्यही स्वस्त होणार आहे. या धोरणांतर्गत राज्यातील चार महानगरांतील विमानतळ आणि निवडक मॉल्समध्ये किरकोळ विक्रीसाठी मद्य उपलब्ध करून दिले जाणार आहे. मंत्रिमंडळाने घरांमध्ये मद्याची साठवणूक करण्याची मर्यादाही वाढवली आहे. त्यामुळे आता लोक पूर्वीपेक्षा चार पट जास्त मद्य घरात ठेवू शकणार आहेत. याशिवाय ज्या व्यक्तीचे वार्षिक उत्पन्न एक कोटी रुपये आहे, ते घरीच बार उघडू शकणार आहेत.
मध्य प्रदेशात विदेशी मद्यावरील उत्पादन शुल्कात घट
शिवराज सिंह चौहान यांच्या मंत्रिमंडळाने २०२२-२३ या वर्षासाठी नवीन मद्य धोरणाला मंजुरी दिली. यानुसार विदेशी मद्य स्वस्त होणार आहे. सरकारने विदेशी मद्यावरील अबकारी शुल्क १० वरून १३ टक्के करण्याचा निर्णय घेतला आहे. त्यामुळे मद्याची मागणी वाढेल आणि विक्री अधिक होईल.
तरुण गर्जना वृत्तपत्र सह
चंद्रशेखर अहिरराव धुळे
कोणत्याही टिप्पण्‍या नाहीत:
टिप्पणी पोस्ट करा