शिरपूर प्रतिनिधी - शिरपूर शहर पोलीस स्टेशन अंतर्गत नोंद असलेल्या घरपोडी प्रकरणातील गुन्ह्यांच्या उलगडा करण्यास शहर पोलीस ठाण्याच्या शोध पथकाला यश आले असून पकडून त्याकडून मुद्देमाल हस्तगत करण्यास पोलिसांना यश आले आहे.
शिरपूर शहर पो.स्टे. गुन २२४/२०२२ भादवि कलम ४५७,३८० प्रमाणे गुन्हयातील फरार आरोपी नामे किरतलिया शिवराम तडवी रानवाड फलीया पो. मोहाला ता संघवा जि. बडवाणी राज्य मध्यप्रदेश हा चोपडा फाटयावर आलेला असल्याबाबत पोलीस निरीक्षक श्री. रविंद्र देशमुख शिरपूर शहर पो.स्टे यांना मिळालेल्या गोपनीय बातमीनुसार त्याचा शोध घेणेकामी सहाय्यक पोलीस निरीक्षक गणेश फड, पो उप नि/गणेश कुटे तसेच शोध पथकाचे पोलीस अंमलदार यांनी चोपड़ा फाटयावर त्याचा शोध घेवून त्यास शिताफीने ताब्यात घेतले.
वर नमुद आरोपीकडे सखोल चौकशी केली असता त्याने सदरचा गुन्हा तसेच शिरपुर शहर पो.स्टे. गुरनं. १७०/२०२२ भादवि कलम ४५७,३८० गुनी २८३/२०२२ भादवि कलम ४५७.३८० प्रमाणे गुन्हे केल्याची कबुली •दिली. तसेच त्याने स्वतः गुरनं २६१/२०२१ भादवि कलम ४५७,३८० प्रमाणे गुन्हा शकुंतला लॉन्स मागे राहणारे 'श्रीमती सखुबाई नागोसिंग जमादार रा.शंकर पांडु माळी नगर यांचे राहते घरी केल्याची कबुली देवून त्याने चोरी केलेले तसेच त्याचे हिश्श्यास आलेले सोन्याचे दागिणे ज्या सोनारांकडे त्याची पत्नी आजारी असल्याचे खोटे कारण सांगुन विक्री केले ते सेंधवा व बलवाडी जि.बडवाणी येथील सराफ दुकानदार यांचेकडे चौकशी केली असता त्यांनी सदर सोन्याचे दागिण्यांची तयार केलेली लगड हजर केल्याने त्या गुन्हयात जप्त केले असून त्यांचे कडून २ लाख ५० हजार रुपये किमतीची सोन्याची लगड अंदाजे ५ तोळे ( ५० ग्रम ) वजनाची व ५०,०००/- रुपये किमतीची सोन्याची लगड अंदाजे १ तोळे ( १० ग्राम वजनाची चे असे एकुण ०३,००,०००/- रुपये किमतीचे वरील प्रमाणे सोन्याची लगड गुन्हयात हस्तगत केली असुन त्यावरुन शिरपुर शहर पो.स्टे. १) गुरनं. २२४/२०२२, २) १७०/२०२२, ३) २८३/२०२२ व ४) २६१/२०२१ भादवि कलम ४५७,३८० प्रमाणे असे एकुण ०४ घरफोडी-चोरीचे गुन्हे उघडकीस आणुन उल्लेखनीय कामगिरी केली आहे.
सदरची कामगिरी मा. पोलीस अधीक्षक श्री.प्रविणकुमार पाटील,मा.अपर पोलीस अधीक्षक प्रशांत बच्छाव य मा. उप विभागीय पोलीस अधिकारी श्री प्रदीप मेराळे यांचे मार्गदर्शनाखाली शिरपुर शहर पो.स्टे. चे पोलीस निरीक्षक श्री. रविंद्र देशमुख, सपोनि/गणेश फड, पोउनि / गणेश कुटे तसेच शोध पथकाचे पोहेका/ललित पाटील, लादूराम चौधरी, पोको/गोविंद काळी, विनोद अखडमल, प्रविण गोसावी, मुकेश पावरा, मनोज दाभाडे व ९०१ प्रशांत पवार (आर. सी.पी.) व होमगार्ड नाना अहिरे अशांनी मिळून केली आहे.
कोणत्याही टिप्पण्‍या नाहीत:
टिप्पणी पोस्ट करा