शिंदखेडा ( यादवराव सावंत) प्रतिनिधी--शिंदखेडा शहर शिवारातील ई- पिक पाहणी प्रक्रिया प्रथम स्वतः शेतकऱ्यांना मोबाईल ॲप व्हर्जन-2 या नवीन सुधारणांमधून नोंदणी करावयाची असल्याने शेतकऱ्यांना सुलभ व सोप्या पद्धतीने माहिती देण्यासाठी शिंदखेडा शहर तलाठी तुषार पवार हे स्वतः विरदेल रोड पहिली फरशी परिसरातील शेतकऱ्यांच्या थेट शेताच्या बांधावर जाऊन माहिती व मार्गदर्शन केले.
महाराष्ट्र राज्य महसूल विभागातील क्षेत्रीय कार्यालयामार्फत खरीप व रब्बी हंगामात जास्तीत जास्त शेतकऱ्यांनी (खातेदारांनी) स्वतःहून ई- पीक पाहणी नोंदणी करायची मोहीम हाती घेतली असून ही मोहीम मोबाईल ॲप व्हर्जन-2 या नवीन सुधारणातून होणार असून सदर खरीप हंगामासाठी 1 आॅगस्ट ते 15 ऑक्टोबर पर्यंत स्वतः शेतकऱ्यांनी आपल्या शेतावर जाऊन मोबाईल ॲप मधून करावयाची आहे. त्यानंतर तलाठी 16 ऑक्टोबर ते 15 नोव्हेंबर पर्यंत याची पडताळणी करणार आहेत. त्यात काही त्रुटी आढळून आल्यास त्यावर तलाठी दुरुस्ती करणार आहेत. मोबाईल व्हर्जन-2 मधून शेतकऱ्यांना सुलभ व सोप्या भाषेत शिंदखेडा शहरातील तलाठी तुषार पवार हे स्वतः विरदेल परिसरातील पहिली फरशी शेताच्या बांधावर जाऊन अनेक शेतकऱ्यांना स्वतः प्रात्यक्षिक द्वारा समजावून सांगितले.शेतकऱ्यांनी विचारलेल्या अनेक समस्यांचे यावेळी त्यांनी निराकरण केले.
याप्रसंगी शेतकरी सुनील चौधरी, कैलास तलवारे,देविदास ताराचंद पाटील, राजेंद्र अभिमान पाटील, रामसिंग गिरासे ,राजेंद्र चौधरी तसेच महिला शेतकरी त्याचप्रमाणे महसूल मित्र संदीप आखाडे ,अबू कुरेशी हे उपस्थित होते.
सुलभ व सोप्या भाषेत माहिती दिल्याबद्दल शहर तलाठी तुषार पवार यांचे आभार मानत शेतकऱ्यांनी जास्तीत जास्त सहभागी होऊन आपल्या खरीप हंगामातील पिकांची पीक पाहणी लवकरात लवकर करून घेण्याचे आव्हान तलाठी मार्फत शेतकरी सुनील चौधरी यांनी शहरातील शेतकऱ्यांना यावेळी केले.
कोणत्याही टिप्पण्या नाहीत:
टिप्पणी पोस्ट करा