शिरपूर प्रतिनिधी - शिरपूर तालुक्यातील जिल्हा परिषद व पंचायत समिती अंतर्गत होणाऱ्या विकास कामांमध्ये प्रचंड मोठ्या प्रमाणात भ्रष्टाचार गैरव्यवहार व निकृष्ट कामांची परंपरा अबाधितपणे सुरू असून माहिती अधिकार कार्यकर्त्यांकडून या बाबी वारंवार उघड केल्या जात आहेत. मात्र त्याच्या कोणताही परिणाम प्रशासनावर झाला नसून बांधकाम विभागाच्या अनागोंदी कारभार अविरत सुरू आहे.
आता तर या प्रकरणांनी कळस गाठला असून शिरपूर तालुक्यातील बलकुवा येथील माहिती अधिकार कार्यकर्ते माधवराव दोरीक यांनी त्यांच्या गावात सुरू असलेल्या रस्ता कामाबाबत आक्षेप घेत काम निकृष्ट असल्याचा दावा करून चौकशी करून कारवाई करण्याची मागणी मुख्य कार्यकारी अधिकारी जिल्हा परिषद धुळे व बांधकाम विभाग यांच्याकडे केली होती.
तक्रार केल्याबाबत ची माहिती संबंधित ठेकेदार यास प्राप्त झाल्यानंतर त्यांनी तक्रारदार यांच्याशी संपर्क करून मला तुम्हास भेटावयाचे आहे असे सांगितले मात्र तक्रार यांनी भेटण्यास नकार दिल्याने संबंधित व्यक्तीने मी मिस्तरी बोलत असून माझ्या कामाची तक्रार मागे घ्या अन्यथा मला आत्महत्या करावी लागेल अशी धमकी अज्ञात व्यक्तीने मोबाईल फोन वरून दिले आहे.
प्रकरणाचे गांभीर्य पाहता तक्रारदार दोरीक यांनी तात्काळ शिरपूर शहर पोलीस ठाण्यात याबाबतची माहिती दिली असून आपली तक्रार नोंद केली आहे व ठेकेदार यांनी फोनवरून आत्महत्या करण्याची धमकी दिल्याची नोंद यात करण्यात आली आहे.
बांधकाम विभागाच्या कामांची गुणवत्ता ही दिवसेंदिवस ढासळत असून या व्यवहारात होणारा टक्केवारीच्या खेळ व ग्रामपंचायत एजन्सी म्हणून दिले जाणारे काम व ग्रामपंचायत कडून श्रेष्ठ ठेकेदार यास दिले जाणारे काम या सर्व खेळात 50 टक्के पेक्षा अधिकची रक्कम चे वाटप होत असल्याने तालुक्यात निकृष्ट कामांची मालिका सुरू आहे.
कोणत्याही टिप्पण्या नाहीत:
टिप्पणी पोस्ट करा