खेड:-अक्षय कदम खूप खूप आनंद होतोय आज कायदेतज्ञ ही पदवी मिळाली. माझ्या जीवनातील सोनेरी दिवस,सोनेरी क्षण.माझ्या या यशात सर्वात महत्त्वाचा आणि मोलाचा वाटा आहे तो म्हणजे माझ्या बाबांचा.त्यांचे अनमोल असे मार्गदर्शन लाभले.त्यांचा कायम पाठिंबा मला होतो.
आणि त्यांचे संस्कार ह्या मुळेच मी वकील ही पदवी प्राप्त केली.पाच वर्षांच्या या प्रवासात अनेक संकट येत गेली,पाच वर्षाचा काल खूपच खडतर होतो,अनेक खाचखळगे होते,माझ्या समोर अनेक संकटरुपी डोंगर उभे होते.
परंतु आई बाबांच्या पाठिंब्यामुळे मी प्रचंड मेहनत केली.यांना वाटणारा हेवा,कौतुक,त्यांचे प्रोत्साहन यामुळेच यशाची पायरी मी सर केली.शेवटच्या टप्प्यावर माझा अभिमान असणारी माझी माऊलीच म्हणजे माझी आई हे जग सोडून गेली.दुःखाचा डोंगर कोसळला तरीही तिचे स्वप्न आणि माझी जिद्द पूर्ण करण्याची तयारी मनात निर्माण केली आणि हे घवघवीत यश संपादन मी केले.माझ्या यशात माझ्या बाबांचा आणि आईचा सिंहाचा वाटा आहे.
कोणत्याही टिप्पण्या नाहीत:
टिप्पणी पोस्ट करा