विनायक मेटेंच्या गाडीचे चालक एकनाथ कदम यांचा जबाब पोलीस नोंदवणार आहेत.एकनाथ कदम यांची रसायनी पोलिसांकडून चौकशी सुरू आहेत.पोलिस चालकाकडून अपघाताचा तपशील पडताळून पाहणार आहेत.आता ड्रायव्हरला रसायनी पोलीस घेवून गेले आहेत. रसायनीमध्ये त्याची मेडिकल करण्यात येणार आहे.विनायक मेटे यांचा अपघात झाला त्या ठिकाणच्या आसपासचे सीसीटीव्ही कॅमेरे पोलीस चेक करणार आहेत.गाडीला अपघात होण्याच्या आधीची वेळ आणि अपघाता नंतरची वेळ तपासली जाणार आहेत.अपघात झाल्यानंतर त्या ठिकाणाहून गेलेल्या गाड्यांना कोणत्या प्रकारचे अपघाताचे निशान आहेत का? हे सीसीटीव्हीमध्ये तपासणार आहेत.
विनायक मेटे हे मागच्या सीटवर डाव्या बाजूला बसले होते.पुढच्या सीटवर ड्रायव्हरच्या बाजूला त्यांचा बॉडीगार्ड होता.मेटे यांची गाडी हायवेच्या मधल्या लेनमध्ये होती.10 चाकी ट्रक हा तिसऱ्या लेनला चालत होता.या ट्रकचालकाने तिसऱ्या लेनमधून मधल्या लेनमध्ये येणाचा प्रयत्न केला. यावेळी मेटे यांची गाडी वेगात होती. अचानक ट्रक मधे आल्यानं वेगानं मेटे यांची गाडी ट्रकला धडकली. चालकाला गाडी कंट्रोल करणं जमलं नाही.मेटे यांची गाडी डाव्या बाजूने ट्रकच्या उजव्या बाजूला धडकली.मेटे यावेळी झोपेत होते,त्यामुळं त्यांना काही कळायच्या आत वेगाने धडक बसल्यानं डोक्याला मार बसला.यात मेटे यांचा जागीच मृत्यू झाला. अपघातानंतर बराच वेळ मेटे यांना मदत मिळाली नाही.या अपघातानंतर ट्रकचालक हा फरार झाला आहे. पोलिस सीसीटीव्हीच्या माध्यमातून याची पाहणी करत आहेत. चौकशीसाठी 8 पथकं नियुक्त करण्यात आली असल्याची माहिती आहे.
कोणत्याही टिप्पण्या नाहीत:
टिप्पणी पोस्ट करा