शिरपूर प्रतिनिधी:तालुक्यातील खर्दे येथील आर.सी. पटेल माध्यमिक व उच्च माध्यमिक विद्यालयात स्वातंत्र्याच्या अमृत महोत्सव निमित्त सुरुवातीला ध्वजारोहण समारोह इयत्ता बारावी या वर्गात शाळेत व तालुक्यात प्रथम आलेली विद्यार्थिनी कु.सीमा भगवान पाटील हिच्या हस्ते ध्वजारोहण करण्यात आले.नंतर पथनाट्यांचे सादरीकरण गावातील चौका चौकात करण्यात आले.
याप्रसंगी सरपंच सविताबेन पटेल, माजी सरपंच रवींद्र गुजर, उपसरपंच नितीन चौधरी, पोलीस पाटील सुरेश सोनवणे, ग्रामपंचायत सदस्य, प्राथमिक शाळेच्या मुख्याध्यापिका क्रांती जाधव, प्राचार्य पी.आर.साळुंखे आदि मान्यवर उपस्थित होते.
विद्यालयातील प्राचार्य पी.आर.साळुंखे यांच्या मार्गदर्शनाखाली भारतीय स्वातंत्र्य लढ्यातील क्रांतिकारकांचे योगदान वरील विविध प्रसंग पथनाट्यातून गावातील चौका चौकात सादरीकरण करण्यात आले.पथनाट्य पहात असताना इंग्रजांनी भारतीयांवर केलेले अन्याय पाहून ग्रामस्थांचे डोळे पाणावले. मिळालेल्या स्वातंत्र्याच्या रक्षणाची जबाबदारी आपणावर आहे असा संदेश पथनाट्यातून देण्यात आला.
कार्यक्रमाचे प्रास्ताविक प्राचार्य पी. आर.साळुंखे तर सूत्रसंचलन ए जे पाटील व आभार प्रदर्शन अमोल सोनवणे यांनी केले.
कार्यक्रम यशस्वीतेसाठी विद्यालयाचे प्राचार्य पी.आर.साळुंखे यांच्या मार्गदर्शनाखाली पी.बी.धायबर,अमोल सोनवणे, हितेंद्र देसले,ए.जे.पाटील, पी.एस अटकळे, बी.एस.बडगुजर,बी .एस.पावरा, सुनीता सूर्यवंशी, सीमा जाधव,सुनंदा निकम,मनीषा पाटील, युवराज मिठभाकरे,राकेश पाटील यांनी प्रयत्न केले.
कोणत्याही टिप्पण्या नाहीत:
टिप्पणी पोस्ट करा