शिरपूर प्रतिनिधी:-आर.सी. पटेल मराठी प्राथमिक शाळा सुभाष कॉलनी वाल्मिक नगर व गुरुदत्त शाळे त वेशभूषा आयोजित करण्यात आल्या. कार्यक्रमासाठी शिरपूर पंचायत समिती येथील विस्तार अधिकारी डॉ.निता सोनवणे यांनी कार्यक्रमाचे अध्यक्षस्थान भूषविले तर नरेंद्र पाटील हे प्रमुख पाहुणे म्हणून उपस्थित होते.
९ ऑगस्ट जागतिक आदिवासी दिवस व क्रांती दिवसाचा निमित्ताने शाळेत तिनही शाळेच्या विद्यार्थ्यांनी वेगवेगळ्या स्वातंत्र्य सेनानींच्या वेशभूषा करून आलेले होते.
सुभाष कॉलनी शाळेच्या वेशभूषा स्पर्धेसाठी तीन गट करण्यात आलेले होते. पहिली व दुसरीच्या प्रथम गटातून आश्लेषा नितीन सोनवणे प्रथम ,जन्मेयश दुर्गेश शिंदे द्वितीय,आर्यन मधुकर थेले तृतीय तर तिसरी व चौथीच्या गटातून मानवी विक्रम राजपूत प्रथम, किमया संदीप मोरे द्वितीय, रोहित चंदू पाटील तृतीय, पाचवी व सातवीच्या गटातून विशाखा मराठे प्रथम,पियुष निलेश पाटील द्वितीय, यशस्वी निवृत्ती पाटील तृतीय, क्रमांक पटकावले.गुरुदत्त कॉलनीतून नव्या संदीप वरसाळे प्रथम, नयन समाधान पाटील द्वितीय तर हिमांशू निलेश ठाकरे यांनी तृतीय क्रमांक पटकावला.वाल्मीक नगर शाळेतून ज्ञानेश्वरी शामकांत गुजर प्रथम, माळी वैभव मधुकर द्वितीय तर कश्यप सचिन सूर्यवंशी तृतीय क्रमांक पटकावला.कार्यक्रमाचे अध्यक्ष डॉक्टर नीता सोनवणे यांनी स्वातंत्र्याचा अमृत महोत्सव साजरा करण्याचे महत्त्व आपल्या मनोगतात व्यक्त केले. कार्यक्रमासाठी गोपाल पाटील, रेखा सूर्यवंशी, गणेश साळुंके मुख्याध्यापक उपस्थित होते.
कार्यक्रमाचे सूत्रसंचालन वैशाली सोनवणे तर वेशभूषेचे सूत्रसंचालन स्नेहल शिंदे यांनी केले.कार्यक्रम यशस्वीतेसाठी तीनही शाळेतील मुख्याध्यापक शिक्षक,शिक्षकेतर कर्मचारी यांनी परिश्रम घेतले.
कोणत्याही टिप्पण्या नाहीत:
टिप्पणी पोस्ट करा