परंडा (राहूल शिंदे)दि.१० मुख्यमंत्री एकनाथ शिंदे व उपमुख्यमंत्री देवेंद्र फडणवीस यांच्या मंत्रिमंड- ळामध्ये कॅबिनेट मंत्री म्हणून आ.तानाजी सावंत यांनी मंत्री पदाची शपथ घेतल्यानंतर परंडा तालुक्यात जल्लोष करण्यात आला.
आ.तानाजी सावंत हे भूम-परंडा-वाशी मतदार -संघाचे विद्यमान आमदार आहेत. २०१४ ते २०१९ या कालावधीत देवेंद्र फडणवीस मंत्रि - मंडळात ते जलसंपदा विभागाचे कॅबिनेट मंत्री म्हणून राहिले होते. मात्र,राज्यात सत्ता बदलाच्या नाट्यमय घडामोडीनंतर त्यांना पुन्हा ठाकरे सरकार मध्ये संधी मिळाली नसल्याने त्यांच्या समर्थकांमध्ये खदखद होती.परंतु,नुकत्याच झालेल्या सत्ता बदलाच्या नाट्यमय घडामोडीनंतर राज्याच्या मुख्यमंत्रीपदी एकनाथ शिंदे विराजमान झाल्यानंतर त्यांच्यासोबत राहिलेले प्रमुख सहकारी आ.तानाजी सावंत यांचा समावेश निश्चित मानला जात होता.मात्र, संधी कधी मिळणार याची उत्सुकता मतदारसंघात लागली होती.
आज मंत्रिमंडळ विस्तारामध्ये कॅबिनेट मंत्रिपदासाठी शपथविधी ग्रहण केल्यानंतर परंडा शहरातील छत्रपती शिवाजी महाराज चौकात फटाके फोडून, गुलाल उधळून, एकमेकांना पेढे भरवून जल्लोष साजरा करण्यात आला.
आ.प्रा.डॉ.तानाजीराव सावंत साहेब यांनी , कॅबिनेट मंत्री म्हणून शपथ घेतल्याने आम्हा शिवसैनिकांत नवचैतन्य संचारले आहे. मतदारसंघाची थांबलेली विकासकामे मोठ्या गतीने होतील व जिल्ह्याला गतवैभव प्राप्त होईल.
-सतीष अर्जुन दैन (युवानेते,परंडा)
यावेळी उस्मानाबाद जि.प चे माजी गटनेते दत्ता साळुंके,परंडा तालुका प्रमुख अण्णा जाधव,शहर प्रमुख बाळू गायकवाड, युवा नेते सतीष दैन, मा.नगरसेवक रत्नाकर शिंदे,सतीष मेहेर आदी सह शहर व तालुक्यातील असंख्य कार्यकर्ते उपस्थितीत होते.
कोणत्याही टिप्पण्या नाहीत:
टिप्पणी पोस्ट करा