बंडखोर आमदार संजय शिरसाट आणि मुख्यमंत्री एकनाथ शिंदे यांच्यात खडाजंगी झाल्याची माहिती आहे. शिंदे गटाच्या आमदारांची मुख्यमंत्री एकनाथ शिंदे यांच्यासोबत सह्याद्री अतिथिगृहात मंत्रिमंडळ विस्ताराआधी महत्त्वाची बैठक सुरु होती. या बैठकीत ज्या नेत्यांना मंत्रिपद मिळणार नव्हतं, त्यांची समजूत मुख्यमंत्री शिंदे काढत होते. त्याचवेळी संजय शिरसाटांनी संतप्त प्रतिक्रिया व्यक्त करताना ज्या बंडखोरांनी मागचा पुढचा विचार न करुन तुम्हाला मदत केली, त्यांच्याच वाट्याला मंत्रिपद नाही, अशा शब्दात आपली नाराजी व्यक्त केली. शिरसाटांच्या नाराजीनंतर मुख्यमंत्र्यांनी संयमी शब्दात त्यांना समजावण्याचा प्रयत्न कला. तेव्हा पुढचे ५-१० मिनिटं बैठकीत तणाव निर्माण झाला होता, अशी माहिती सूत्रांनी दिली आहे.
तरुण गर्जना वृत्तपत्र सह
चंद्रशेखर अहिरराव धुळे
कोणत्याही टिप्पण्या नाहीत:
टिप्पणी पोस्ट करा