शिंदखेडा येथील समाजसेवक, शहराध्यक्ष प्रविण माळी यांनी केला बाल रोग आरोग्य तपासणी शिबिराचे आयोजन करुन वाढदिवस साजरा

शिंदखेडा (यादवराव सावंत) प्रतिनिधी  येथील माळी रहिवासी समाजसेवक तथा भाजपा शहराध्यक्ष प्रवीण राजाराम माळी यांनी मारोती व्यायाम शाळा येथे आपला वाढदिवस इतर वायफळ खर्च करण्यापेक्षा मित्र परिवारातर्फे शहरातील व वार्डातील लहान बालकांना मोफत बालरोग तपासणी शिबिराचे आयोजन करुन एक अनोखा संदेश ह्या निमित्ताने त्यांनी दिला आहे.  

वाढदिवसाच्या निमित्ताने अनेक मंडळी हौस व्हावी म्हणून भला मोठा केक, डिजे, मित्रांना पार्टी हयात हजारो रुपये खर्च करून आनंद लुटला जातो. पण शहरात नव्हे तालुक्यात एक अनोखा संदेश देणारा वाढदिवस समाज सेवक तथा भाजपा शहराध्यक्ष प्रवीण माळी यांनी साजरा केला असून ह्या निमित्ताने आर्शिवाद हाॅस्पिटल चे नवजात शिशू व बालरोग तज्ज्ञ डॉ हितेंद्र अशोकराव पवार यांच्या सहकार्याने बालरोग तपासणी शिबिर मोफत खुले केले होते. 

जवळपास 150 बालकांची तपासणी करण्यात आली. तपासणी फी, औषधे, इ.मोफत उपलब्ध केले.शिबिराचे उद्घाटन गटनेते रावसाहेब अनिल वानखेडे व ज्येष्ठ समाजसेवक दयाराम माळी यांनी केले. 

प्रसंगी उपनगराध्यक्ष प्रकाश देसले, भिला पाटील,युवराज माळी,प्रा.दिपक माळी, सुनंदा माळी, अँड. विनोद पाटील, अँड. सुभाष जाधव, तुकाराम पाटील, राजु पहाडी, सोमनाथ जाधव, राजेंद्र माळी, अनिल माळी,संजु आप्पा, कुणाल जाधव,चंद्रसिंग परदेशी आदी पदाधिकारी तसेच बालरोग तज्ज्ञ डॉ हितेंद्र पवार, संदीप गिरासे, निलेश सोनवणे, इरफान पठाण यांनी शिबिराचे कामकाज पाहिले. शिबिरात वजन न वाढणे, आहाराविषयी सल्ला व मार्गदर्शन,सृदुढ बालक सल्ला देत खोकला, ताप, सर्दी,कावीळ,बालदमा, डायरिया ,तापात झटके येणे आदी आजारांवर तपासणी व उपचार केले. शिबिरासाठी संत सावता (मारोती) व्यायाम शाळा, महात्मा फुले मित्र मंडळ, श्रीराम मारोती भजनी मंडळ,बाल गोपाल भजनी मंडळ, सावित्रीबाई फुले उत्सव समिती, महात्मा फुले प्रतिष्ठान, ज्ञानज्योती प्रायमरी इंग्लिश स्कूल, संत सावता गणेश मित्र मंडळ यांच्या पदाधिकारी व कार्यकर्त्यांनी परिश्रम घेतले. ह्यात मित्र परिवाराच्या पुढाकाराने आज माझ्या वाढदिवसाला बालरोग तपासणी शिबिराचे आयोजन करुन वार्ड क्रं 15 मधील माळी वाडा, जनता नगर,साबरहट्टी , यांसह शहरातील विविध भागातून आलेल्या बालकांना मोफत तपासणी करून औषधोपचार देखील केल्याचा मनस्वी आनंद होऊन खरा अर्थाने वाढदिवस साजरा झाला असे मी भाग्य समजतो. तसेच मतदान कार्डाला आधार नंबर जोडणी केंद्रास भेट देऊन मतदारांनी  बि एल ओ ला सहकार्य करण्याचे आवाहन केले.