विरदेल येथील पोलीस पाटील श्री ओम नामदेव तावडे यांना 26 जानेवारी प्रजासत्ताक दिनी आदर्श पोलीस पाटील पुरस्काराने सन्मानित

शिंदखेडा प्रतिनिधी:विरदेल येथील पोलीस पाटील श्री ओम नामदेव तावडे यांना 26 जानेवारी प्रजासत्ताक दिनी आदर्श पोलीस पाटील पुरस्काराने सन्मानित करण्यात आले शिंदखेडा तालुक्यातील विरदेल येथील पोलीस पाटील श्री ओम नामदेव तावडे यांनी त्यांच्या सेवा कालखंडात गाव पातळीवर शासन निर्देशानुसार गावात कायदा व सुव्यवस्था चोखपणे सांभाळत महसूल व पोलीस विभागाला वेळोवेळी आवश्यक असलेली माहिती देऊन सण, उत्सव,व आचार संहिता निवडणूक बंदोबस्त मध्ये पोलीस व प्रशासकीय विभागाला मोलाचे सहकार्य केले तसेच पोलीस विभागाच्या सोबत नेहमी संपर्कात राहून पोलीस यंत्रणेचा ग्रामीण भागातील कणा म्हणून कर्तव्य बजवीत गावात कायदा सुव्यवस्था अवाधित राखण्यास पोलीस प्रशासनाला मदत करीत असतात तसेच 2019 मध्ये कोरोना सारखी महामारी संपूर्ण जगावर पसरली असताना या काळात गावात कोरोनाचा प्रसार व प्रचार होऊ नये म्हणून मोलाची खबरदारी घेऊन प्रशासकीय विभाग व पोलीस विभागाला सहकार्य केले या त्यांच्या कार्याची दखल घेऊन त्यांना कर्तव्यदक्ष/ आदर्श पोलीस पाटील पुरस्काराने सन्मानपत्र देऊन सन्मानित करण्यात आले. 

यावेळी 26 जानेवारी प्रजासत्ताक दिनाचे औचित्य साधून उपस्थित मान्यवर धुळे जिल्ह्याचे पालकमंत्री नामदार मा.श्री गिरीश भाऊ महाजन यांच्या हस्ते सन्मानपत्र देऊन गौरविण्यात आले यावेळी धुळे जिल्ह्याचे जिल्हाधिकारी मा.श्री जलज शर्मा जिल्हा पोलीस अधीक्षक मा.श्री संजय बारकुंड आदी मान्यवरांच्या उपस्थित सन्मानपत्र देऊन गौरव करण्यात आला त्यांच्या या निवडी बद्दल जिल्हा पोलीस पाटील संघटनेतर्फे अभिनंदन करण्यात आले.