सटाणा - धुळे लोकसभा मतदार संघातील रस्त्यांच्या कामाचा अनुशेष भरून काढण्यासाठी केंद्र शासनाच्या प्रधानमंत्री ग्रामसडक योजनेअंतर्गत प्रस्तावित केलेल्या १०५ किमी रस्त्यांच्या कामांना सुमारे ८० कोटी ५१ लाख रुपयांचा निधी मंजूर झाला. अशी माहिती माजी केंद्रीय संरक्षण राज्यमंत्री तथा धुळे लोकसभा मतदारसंघाचे खासदार संसदरत्न डॉ. सुभाष भामरे यांनी दिली.
धुळे लोकसभा मतदार संघातील ग्रामीण भागात रस्त्यांची कामे होण्यासाठी केंद्र शासनाच्या प्रधानमंत्री ग्रामसडक योजनेत धुळे लोकसभा मतदार संघातील धुळे ग्रामीण, शिंदखेड़ा, मालेगाव व बागलाण तालुक्यातील काही प्रमुख रस्त्यांच्या समावेश प्रधानमंत्री ग्रामसड़क योजनेत करण्यात आला. केंद्र शासनाच्या प्रधानमंत्री ग्रामसडक योजनेत या रस्त्यांच्या कामाचा समावेश होण्यासाठी केंद्रीय ग्रामविकास मंत्री गिरीराज सिंग, महाराष्ट्र राज्याचे उपमुख्यमंत्री देवेंद्र फडणवीस ग्राम विकास मंत्री गिरीश महाजन यांच्याकडे या रस्त्यांची सुधारणा करण्यासाठी पाठपुरावा केला होता. त्या अनुषंगाने केंद्र शासनाने दि. १२ जानेवारी रोजी या रस्त्याच्या कामांना मंजुरी दिली.
तरुण गर्जना वृत्तपत्र सह
चंद्रशेखर अहिरराव धुळे
कोणत्याही टिप्पण्या नाहीत:
टिप्पणी पोस्ट करा