धुळे - धुळे कृषी उत्पन्न बाजार समितीच्या झालेल्या निवडणुकीत आज निकालाच्या दिवशी आमदार कुणाल पाटलां च्या नेतृत्त्वात महाविकास आघाडीचे पॅनल विजय झाले आहे.तर भाजपाला या निवडणुकीत मतदारांनी नाकारल्याचे दिसून आले आहे.16 पैकी पंधरा जागांवर महाविकास आघाडीने मुसंडी मारली असून केवळ एकच जागेवर भाजपाला समाधान मानावे लागले आहे. महाविकास आघाडीचा विजय झाल्याने कृषी उत्पन्न बाजार समितीच्या आवारात गुलालाची उधळण करत महाविकास आघाडीच्या कार्यकर्त्यांनी जोरदार असा जल्लोष केला आहे. अत्यंत चुरशीच्या झालेल्या निवडणुकी कडे संपूर्ण जिल्ह्याचे लक्ष लागून होते. या निवडणुकीत भाजपा खासदार सुभाष भामरे व आमदार कुणाल पाटील यांचे प्रतिष्ठा पणाला लागली होती. मात्र मतदारांनी पुन्हा एकदा कुणाल पाटलांवर विश्वास दाखवत महाविकास आघाडीचे पॅनल निवडून दिले. या निवडणुकीत झालेल्या पराभवामुळे भाजपाला आत्मपरीक्षण करण्याची वेळ आल्याचे दिसुन आले आहे.
या निवडणुकीत दोन्ही पक्षाचे नेत्यांनी मतदारांना आकर्षित करण्याचा प्रयत्न केला. मात्र मतदारांनी भाजपाला नाकारत भाजपाचा दारून पराभव झाला आहे. आमदार कुणाल पाटलांच्या लाटेत भाजपचा सुपडा साफ झाला असून शिंदे गटाच्या बाळासाहेब भदाणे यांचा देखील पराभव झाला आहे. या निवडणुकीकरिता दोन्ही पक्षाने कदावे प्रतिदावे केले होते. मात्र मतदार राजाने पुन्हा एकदा महाविकास आघाडीचे पॅनल निवडून दिले आहे. धुळे कृषी उत्पन्न बाजार समितीवर गेल्या अनेक वर्षांची सत्ता राखण्यात आमदार पाटील यांना यश आले आहे.
तरुण गर्जना वृत्तपत्र सह
चंद्रशेखर अहिरराव धुळे
कोणत्याही टिप्पण्या नाहीत:
टिप्पणी पोस्ट करा