आज रोजी दिनांक 20/04/2023 रोजी पोलीस निरीक्षक श्री हेमंत पाटील, स्थानिक गुन्हे शाखा, धुळे यांना बातमीदारामार्फत बातमी मिळाली की आयशर ट्रक क्र.UP-८०-FT-९३९८ या वाहनामध्ये बेकायदेशिररित्या विदेशी दारुचे खोके भरुन सदरचे वाहन हे आर्वी-धुळे मार्गे सुरतकडे जात आहे अशी खात्रीशीर बातमी मिळाल्यावरुन मा. पोलीस अधीक्षक धुळे व मा अपर पोलीस अधीक्षक धुळे यांचे मार्गदर्शन व सुचना प्रमाणे स्थानिक गुन्हे शाखेचे पथकाने अवधानफाटा येथे रोडवर थांबून आर्वीकडुन धुळेकडे येणारी वाहने चेक करत असताना आयशर ट्रक क्र. UP-८०-FT- ९३९८ हे धुळे कडे जात असल्याचे दिसल्याने अडथळा करुन थांबविले. ट्रक वरील चालक व क्लिनर यांना नाव गाव विचारता त्यांनी त्यांची नावे १) अर्जुन रामजीत बिंद वय २४ व्यवसाय चालक रा.शेखाही पोस्ट अधनपुर तह. शाहगंज जि.जोनपुर (उत्तरप्रदेश) २) सोमनाथ नाना कोळी वय २६ व्यवसाय क्लिनर रा.खामखेडा ता. शिरपुर जि.धुळे असे असल्याचे सांगितले, दोघांना ट्रक मधील माला बाबत विचारपूस केली असता त्यांनी ट्रक मध्ये सॅनीटरी पॅड असल्याचे सांगून त्याबाबत मालाची बनावट बिल्टी हजर केली. तथापी सदर ट्रक मध्ये बेकायदेशीर दारू साठा असल्याचा दाट संशयावरून सदर ट्रक व सदर दोन इसमांना ताब्यात घेवून पोलीस अधिक्षक कार्यालय, धुळे येथे आणून ट्रक मधील माला बाबत खात्री केली असता सदर ट्रक मध्ये पाठी मागील साईडला सॅनीटरी पॅडच्या गोण्या भरल्याचे व समोरील बाजुस दारू व बिअरचे बॉक्स मिळून आले. त्याचे वर्णन खालील प्रमाणे. २०५ खोके त्यात
१) ७,८१,८००/-रु.किंमतीची देशी/विदेशी विविध कंपनीची व्हिक्सी दारुचे चे एकुण एकुण ६८०४ नग वॉटल,
२) ४०,८०० /- रु. कि.ची TUBORG PREMIUM BEER STRONG चे २० बॉक्स त्यात ८४० बॉटल
३) १०,००,०००/-रु.कि. चा आयशर ट्रक क्र. UP-C०-FT-९३९८ जु.वा. किं.अ.
४) १२,०००/-कि. चे सॅनिटरी पॅड चे पांढर्या रंगाच्या १२० गोणी प्रत्येकी किंमत १००/- रु. प्रमाणे ५) १०,०००/- रुपये किमतीचे २ मोबाईल,
असा एकुण ८,२२,६००/- रु. किमतीची दारू व ईतर मुद्देमालासह एकुण किंमत १८,४४,६००/- रूपयाचा मुद्देमाल जप्त करण्यात आला असून आरोपी विरूध्द मोहाडीनगर पोलीस स्टेशन येथे गुन्हा दाखल करण्याची प्रक्रीया चालू आहे. तसेच आरोपीने सदरचा माल कोठून आणला व डिलेवरी कोठे देणार होता या चेन मध्ये आणखी कोण आरोपी आहेत या बाबत विचारपूस चालू आहे.
सदरची कारवाई श्री. संजय बारकुंड, पोलीस अधीक्षक, धुळे, श्री. किशोर काळे, अपर पोलीस अधीक्षक, धुळे. यांचे मार्गदर्शनाखाली स्था.गु.अ.शा.चे पो.नि. श्री. हेमंत पाटील, पोसई/बाळासाहेब सूर्यवंशी, असई/संजय पाटील, पोहेकॉ संतोष हिरे, पोना/पंकज खैरमोडे, पोशि/महेंद्र सपकाळ, योगेश जगताप, किशोर पाटील अशांनी केली आहे.
तरुण गर्जना वृत्तपत्र सह
चंद्रशेखर अहिरराव धुळे
कोणत्याही टिप्पण्‍या नाहीत:
टिप्पणी पोस्ट करा