साक्री ता. 10 : येथील नावापूर रस्त्यावर धावत्या मोटरसायकलवर लिंबाचे झाड पडल्याने वैभव दशपुते या शिक्षकाचा जागीच मृत्यू तर एक गंभीर जखमी. नवापूर रस्त्याचे काम सुरू असल्याने झाडाच्या मुळा तुटल्यामुळे घडली घटना, संबंधित ठेकेदारावर गुन्हा दाखल करण्या संबंधी नागरिकांची मागणी.
विजय वसंत दशपुते (वय 38) हे शहरातील कै. नानासाहेब साहेबराव पंडित पाटील माध्यमिक व उच्च माध्यमिक विद्यालयात माध्यमिक शिक्षक म्हणून कार्यरत आहेत. पावसाळा सुरू होत असल्याने त्यांनी दिघावे या रस्त्यावरील आपल्या शेतीत पेरणीसाठी श्री स्वामी समर्थ कृषी सेवा केंद्र येथून पेरणीसाठी खत बी बियाणांची खरेदी करून रिक्षेत भरले व ते शेतात उतरवण्यासाठी हमाल ला घेण्यासाठी स्वतःची मोटरसायकल क्रमांक एम. एच. 18 सी.ए. 5961 ने इंदिरानगर मधील अहेमद मोहंमद पठाण (वय 41) यांना घेऊन येत होते.
पिंपळनेर-नवापूर रस्त्याचे डांबरीकरण काम सुरु असल्याने ठेकेदाराने एका बाजूचा संपूर्ण रस्ता जेसीबीने खोदून त्यात मुरूम भरण्याचे काम सुरू होते. मात्र या दरम्यान लिंबाचे झाडाच्या मुळा तुटल्याने लिंबाचे झाड कमकुवत झाले होते. या रस्त्याने वैभव दसपुते व अहेमद पठाण येत असताना नावापूर रस्त्यावर त्यांच्या धावत्या मोटरसायकलवर वादळी वाऱ्यामुळे अचानक पार्वती हॉस्पिटल समोरील लिंबाचे झाड कोसळले मोटार सायकल वर झाड कोसळल्याची घटना कळताच परिसरातील नागरिकांनी मदतीसाठी धाव घेतली. झाडाखाली दाबलेले शिक्षक वैभव दशपुते व हमाल अहेमद पठाण यांना बाहेर काढले मात्र वैभव दशपुते या शिक्षकाचा जागीच मृत्यू तर हमाल अहेमद पठाण हे गंभीर जखमी झाले. दोघांना ग्रामीण रुग्णालयात दाखल केले असता वैद्यकीय अधिकारी यांनी वैभव दसपुते यांना तपासून मृत घोषित केले तर हमाल अहमद पठाण यांच्यावर प्राथमिक उपचार करून धुळे येथे पुढील उपचारासाठी हलविले. घटनेची माहिती मिळताच पिंपळनेर पोलीस स्टेशन चे सहायक पोलीस निरीक्षक एपीआय सचिन साळुंखे घटनेस्थळी दाखल झाले होते. त्यांनी पंचनामा करून कारवाई केली. पुढील तपास अ साई अशोक पवार करीत आहे
तरुण गर्जना वृत्तपत्र सह
चंद्रशेखर अहिरराव धुळे
कोणत्याही टिप्पण्या नाहीत:
टिप्पणी पोस्ट करा