शिरपूर (प्रतिनिधी) दि 27 रोजी पहाटेच्या सुमारास अज्ञात चोरट्यांकडून एस.बी.आयचे एटीएम मशीन फोडण्याचा प्रयत्न करण्यात आला.एटीएम मशीन फुटत असल्याचे माहिती मुंबई येथील कार्यालयात कळताच त्यांनी तात्काळ शिरपूर तालुका पोलिस स्टेशन व गावातील नागरिकांना माहिती कळविल्यामुळे पुढील अनर्थ टळला आहे.
एटीएम मशीनच्या सीसीटीव्ही कॅमेऱ्यावर स्प्रे मारून चोरीचा प्रयत्न झाला असून चारचाकी वाहनातून चोर आल्याचे बाहेरील सिसिटीव्ही कॅमेरात दिसूनसिसिटीव्ही कॅमेऱ्यात चित्रीत झाले आहे.एटीएम मशीन सोबत छेडछाड होत असल्याचे मुंबई कार्यालयाला सिग्नल मिळाल्याने मुंबई कार्यालयाने तात्काळ शिरपूर तालुका पोलीसांना संपर्क साधला.
एटीएम मशीन फोडण्यासाठी कटर सारख्या काहीतरी साहाय्याने कापण्याचा प्रयत्न करण्यात आला. मात्र पोलीस व नागरिकांना या घटनेबाबत माहिती मिळाल्याची चाहूल लागतात चोरट्यांनी तेथून पळ काढला.
संशयतांनी एटीएमच्या रुममध्ये प्रवेश करतांना हातात छत्री घेऊन त्याच्या साह्याने चेहरा लपवत असल्याचे एटीएम मशीन रुम समोरील बाहेरील सिसिटीव्ही कॅमेऱ्यात चित्रीकरण झाले आहे.एटीएम मशीन सोबत छेडछाड होत असल्याचे मुंबई कार्यालयाला सिग्नल मिळाल्याने मुंबई कार्यालयाने तात्काळ शिरपूर तालुका पोलीस स्टेशनच्या अधिकाऱ्यांशी संपर्क साधला.
एटीएम मशीन फोडण्याची घटनेची माहिती मिळताच शिरपूर तालुका पोलिस स्टेशनचे सहाय्यक पोलीस निरीक्षक जयेश खलाणे, संदिप पाटील,कैलास, योगेश मोरे, सुरेश ठाकूर यांच्यासह पथकाने घटनास्थळी धाव घेत भेट देऊन पाहणी केली पुढील तपास पोलीस दल करीत आहे.
कोणत्याही टिप्पण्या नाहीत:
टिप्पणी पोस्ट करा