शिरपूर प्रतिनिधी :-भडगाव तालुक्यातील गोंडगांव येथील चिमुकलीवर अत्याचार करीत निर्घुण हत्येच्या निषेधार्थ शिरपुर तहसीलदारांना शिरपुर शहरातील सर्वपक्षीय कार्यकर्त्यातर्फे निवेदन देत आरोपींना फाशीची शिक्षेसह विविध मागण्यांचे निवेदन मंगळवारी देण्यात आले.
तहसीलदारांना देण्यात आलेल्या म्हटले आहे की,भडगांव तालुक्यातील गोंडगांव येथील 9 वर्षीय चिमुकलीवर अत्याचार करीत निर्घुण खुन करण्यात आल्याची अमानवीय घटना उघडकीस आली असून याप्रकरणी भडगांव पोलिस ठाण्यात गुन्हा दाखल करण्यात आला आहे.मात्र आरोपी व त्याला सहकार्य करणाऱ्यासह आरोपींना फाशीची शिक्षेची मागणी करीत सदर घटनेचा निषेध व्यक्त करून पीडित बालिकेच्या मारेकऱ्यांची सी.आयडी.
मार्फत चौकशी करीत समितीवर निवृत्त न्यायाधीशांची नियुक्त करावी.सदर घटनेचा जलद गती न्यायालयात केस चालविण्यात यावी यासाठी विधीतज्ञ ऍडव्होकेट डॉ उज्वल निकम यांची नियुक्ती करण्यात यावी तसेच न्यायालयीन खर्च शासनाने करावा अशा व आदी मागण्या निवेदनाद्वारे करण्यात आली आहे.
सदर निवेदन तहसील कार्यालयात निवासी नायब तहसीलदार अधिकार पेंढारकर यांनी लहान बालिकेंच्या हस्ते स्वीकारले. याप्रसंगी शहर व तालुक्यातील राजकिय पक्षांचे आणि सामाजिक संघटनांचे सामाजिक कार्यकर्त्यासह महिला देखील मोठ्या संख्येने उपस्थित होत्या.
कोणत्याही टिप्पण्‍या नाहीत:
टिप्पणी पोस्ट करा