शिरपुर (प्रतिनिधी):- शिरपुर शहरातील दि शिरपुर मर्चंटस को-ऑप बँक ही सभासदांकडून ठेवी गोळा करून कर्ज वितरण करते. परंतु मागील 4-5 वर्षांपासून या बँकेने सभासदांचा विश्वासघात करून आपल्या मर्जीतील काही ठराविक लोकांना बेकायदेशीर, नियमबाह्य व विनातारण कोट्यावधी रुपयांची कर्जे वाटप करून बँक आर्थिकदृष्या अत्यंत गंभीर परिस्थितीत आणलेली आहे. त्यासाठी आम्ही जागृत सभासद हे सर्वसामान्य सभासदांच्या हितासाठी लढा देत आहोत. परंतु सत्तेवर असलेले विद्यमान चेअरमन व मॅनेजर हे आम्ही मागितलेली माहिती न देता नेहमीच टाळाटाळ करून अरेरावीची व दमदाटीची भाषा वापरतात. यापुढे आमचा बँक वाचविण्यासाठीचा हा लढा आणखी तीव्र स्वरुपात सुरुच राहणार आहे.
त्यामुळे आम्ही निर्धारित वेळेत लेखी माहिती मागण्यासाठी अर्ज केलेले आहेत.त्याबाबतीतचा आकस ठेवून हे संबंधित लोक आमच्यावर खोटे आरोप करुन अनुचित प्रकार करू शकतात. तरी या संदर्भात संबंधितांना सक्त ताकीद देऊन सहकार क्षेत्रातील ही सर्वसामान्य सभासदांची बँक वाचविण्याकामी आम्हांस सहकार्य करावे.आपले सदैव आभारी राहू.अश्या प्रकारचे निवेदन मर्चंटस् बँकेचे जागृत व लढाऊ सभासद मोहन साहेबराव पाटील, गोपाल के.मारवाडी, ओंकार आबा जाधव,भरत बी.रोकडे, हिराभाऊ वाकडे आणि सामाजिक कार्यकर्त्या डॉ.सरोजताई डी.पाटील आदिंनी शिरपुरचे वरिष्ठ पोलीस निरीक्षक ए.एस.आगरकर यांना दिले आहे.
कोणत्याही टिप्पण्या नाहीत:
टिप्पणी पोस्ट करा