परंडा (राहूल शिंदे)दि.२७ तालुक्यातील डोमगाव येथील ४७ वर्षीय शेतकऱ्याने मराठा समाजाला आरक्षण सरकार देत नसल्याने नैराश्यातून आज दुपारी १ वा. सुमारास स्वतः च्या शेतात लिंबाच्या झाडाला दोरीने गळफास घेऊन आत्महत्या केली . यामुळे परिसरात हळहळ व्यक्त होत असून धाराशिव जिल्ह्यातील परंडा तालुक्यात ही आरक्षणाचा बळी गेला आहे .
याबाबत माहिती अशी की, शेतकरी बळीराम देविदास साबळे (वय ४७ वर्ष ) शुक्रवारी सकाळी घरून शेतात जात असताना आपल्याला काही आरक्षण मिळत नाही , मेल्यालं बरं , असे सकाळी कांही ग्रामस्थ गावात बसलेले असताना ते बोलले होते . शेतात गेल्यानंतर दुपारी १ वा. सुमारास त्यांनी लिंबाच्या झाडाला गळफास घेतला .जेवण करण्यास का येईनात म्हणून त्यांची पत्नी मिराबाई या शेतात गेल्या असता त्यांनी प्रथमतः ही घटना पाहिली . त्यांनी आरडा ओरड केली . माहिती समजताच कांही ग्रामस्थ शेतकरी घटनास्थळी पोहचले.त्यांचे चुलत भाऊ गणेश साबळे यांनी या बाबत परंडा पोलीस ठाणे व परंडा तहसिलदार यांना माहिती दिली आहे .
त्यांना दोन मुल आहेत . एक ज्ञानेश्वर हा उच्च शिक्षण घेत आहे . तर दुसरा सिद्धेश्वर हा अपंग आहे.वडील अर्धांगवायु आजार झाल्याने घरातच आहेत . शेती केवळ दीड एकर आहे .
कोणत्याही टिप्पण्या नाहीत:
टिप्पणी पोस्ट करा