शिरपूर प्रतिनिधी:- शिरपूर, ता. ४ जानेवारी ते डिसेंबर २०२३ या कालावधीत मुदत संपणाऱ्या तालुक्यातील १५ ग्रामपंचायतींच्या निवडणुकीचा कार्यक्रम राज्य निवडणूक आयोगाने मंगळवारी (ता. ३) घोषित केला. ६ नोव्हेंबरला मतदान होणार आहे. दरम्यान, निवडणुकीची आदर्श आचारसंहितादेखील लागू करण्यात आली आहे.
शिरपूर तालुक्यातील बाभळज, गिधाडे, तरडी, कुरखळी, वाडी खुर्द, नांठे, आमोदे, ताजपुरी, खर्द बुद्रुक, उंटावद, अंतुर्ली, लोंढरे, खामखेडा प्र.थ.,
टेंभेपाडा व उमरर्दा. या १५ ग्रामपंचायतींसाठी निवडणूक होत आहे.६ ऑक्टोबरला तहसीलदारांकडून निवडणुकीची नोटीस प्रसिद्ध करण्यात येणार आहे. निवडणूक अर्ज मागविणे व सादर करणे या प्रक्रियेसाठी १६ ते २० ऑक्टोबर ही मुदत आहे. २३ ऑक्टोबरला प्राप्त अर्जांची
छाननी करण्यात येणार आहे.
माघार घेण्यासाठी २५ ऑक्टोबर ही अखेरची मुदत आहे. त्याच दिवशी दुपारी तीन नंतर निवडणूक चिन्हांचे वितरण करून निवडणूक लढविणाऱ्या उमेदवारांची अंतिम यादी प्रसिद्ध करण्यात येणार आहे. मतदानाची गरज भासल्यास ५ नोव्हेंबरला सकाळी साडेसात ते सायंकाळी साडेपाच या वेळेत मतदान घेण्यात येणार आहे. मतमोजणी ६ नोव्हेंबरला विहित ठिकाणी करण्यात येणार आहे. निवडणूक निकालाची अधिसूचना ९ नोव्हेंबरला जाहीर करण्यात येणार आहे,अशी माहिती तहसीलदार महेंद्र माळी यांनी दिली आहे.
कोणत्याही टिप्पण्या नाहीत:
टिप्पणी पोस्ट करा