शिरपूर शहर पोलीस ठाण्यात गुन्हा दाखल... कुंभारटेक परिसरातून धार्मिक भावना दुखावण्याच्या हेतूने सोशल मीडियावरून पोस्ट व्हायरल

शिरपूर प्रतिनिधी-इंस्ट्राग्राम अकाउंटवरन शहरात धार्मिक भावना दुखावण्याच्या हेतुने पोस्ट व्हायरल केल्याच्या संशयावरून शहर पोलीस ठाण्यात इंस्टाग्राम आयडी धारकाविरुद्ध विविध कलमान्वये गुन्हा दाखल करण्यात आला आहे याप्रकरणी वैभव रामेश्वर सोनवणे वय २३ रा.मातोश्री कॉलनी शिंगावे शिवार, शिरपूर यांनी तक्रार दाखल केली आहे

दाखल तक्रारीनुसार ८ ऑक्टोबर २०२३ रोजी सायंकाळी साडे ५ वाजेच्या सुमारास शहरातील कुंभारटेक परिसरात King lala ३०२ या इंस्टाग्राम आयडी धारकाने धार्मिक भावना दुखावण्याच्या हेतूने त्याचे मोबाइल मधील इंस्ट्राग्राम अकाउंटवर जय मातादी सांस्कृतीक मित्र मंडाळाच्या गणपती विसर्जनाच्या व्हिडीओमध्ये छेडछाड करून हिंदु धर्माचे देवतांविषयी आक्षेपार्य पोस्ट तयार करून निरनिराळ्या गटामध्ये शत्रुत्व वाढवण्याचा प्रयत्न करुन जन माणसात एकोपा टिकवण्यास बाधक कृत्य करण्याच्या हेतुने King lala ३०२ या इंस्टाग्राम आयडी धारक व्यक्तीने फिर्यादी यांना मेसेज पाठवला. हिंदू संस्कृती व देवी देवतांविषयी अश्लील भाषेत उल्लेख करुन समस्त हिंदु धर्माच्या भावना दुखावल्याने तसेच इंस्ट्राग्राम अकाउंटमध्ये बदल करुन पुरावा नष्ट केल्याची तक्रार शनिवारी दाखल केली दाखल तक्रारींवरुन इंस्ट्राग्राम अकाउंटववरील King lala ३०२ इंस्टाग्राम आयडी धारकाविरुद्ध भादंवि च्या व माहिती तंत्रज्ञान अधिनियम २००० चे विविध कलमान्वये गुन्हा नोंद करण्यात आला आहे. सदर गुन्हयाचा पुढील तपास पोलीस निरीक्षक अन्साराम आगरकर करीत आहे.