थाळनेर (प्रतिनिधी)थाळनेर शिरपूर रस्त्यावर दिवाळीचा बाजार करून घरी येत असताना शिक्षकाच्या मोटरसायकलीस समोरून येणाऱ्या ट्रॅक्टरने धडक दिल्यामुळे दुःखद निधन झाले.
याबाबत थोडक्यात वृत्त असे की मयूर सुकलाल धनगर (निळे) वय ३४ राहणार थाळनेर तालुका शिरपूर हे शहादा तालुक्यातील हिंगोनीं गावात जिल्हा परिषद शाळेत शिक्षक म्हणून नोकरीस आहेत. दिवाळीच्या सुट्ट्या लागल्यामुळे दिवाळीच्या फराळाचे सामान खरेदी करण्यासाठी शिरपूर येथे दि.८/११/२३ रोजी दुपारी गेले होते. दिवाळीच्या फराळाचा सामान खरेदी करून ते स्वतःची मोटरसायकल MH18 AR8966 ते थाळनेर येथे येत होते. जैतपुर फाट्याजवळ शिरपूर कडे जाणाऱ्या ट्रॅक्टर MH18 BX 4764 समोरून सायंकाळी ६ वाजेच्या सुमारास जोरदार धडक दिली.
या अपघातात मयूर धनगर यांच्या मेंदूस मार लागला. त्यांना पुढील उपचारासाठी शिरपूर व तेथून धुळे येथे घेऊन जात असताना सोनगीर गावाजवळ त्यांची प्राणजोत मालावली. त्यांच्यावर शोकाकुल वातावरणात थाळनेर येथील तापी नदी काठावर अंत्यसंस्कार करण्यात आले. त्यांच्या पश्चात वडील ,मोठा भाऊ, पत्नी व एक मुलगी असा परिवार आहे.
कोणत्याही टिप्पण्या नाहीत:
टिप्पणी पोस्ट करा